Carnaval Casino ta lansa otro promoshon fantástiko

WILLEMSTAD/JAN 2019–  Carnaval Casino ta kontinuá ku e selebrashon di su 10 aniversario ku e kampaña ‘Spin & Break the Vault’. Despues di un temporada eksitoso di e ‘1,2,3 Campaign’ na unda ku hopi miembro a ‘spin’ i gana premionan na gran kantidat, awor ta pendiente pa duna mas chèns na miembronan di e casino  pa gana premionan efektivo! Ken lo por ‘spin’ i habri e ‘kaha fuerte’ di Carnaval Casino?

‘Spin & Break the Vault’

Tur djasabra, kuminsando riba djasabra dia 2 di febrüari Carnaval Casino lo tin dos rifa, unu 9’or i otro 10’or di anochi. Fechanan ku  e rifa lo no kai riba un djasabra ta 29 di Mart i 21 di Aprel.  Lo saka 2 ganadó pa 9’or di anochi i otro 2 ganadó pa 10’or di anochi. Tur partisipante por gana únikamente 1 biaha durante di e rifanan. Pero, nan lo tin oportunidat pa partisipá durante di e rifa prinsipal pa ‘Spin & Break the Vault’ ku ta tuma lugá riba djasabra 11’or di anochi. Por kambia ticket pa kuponnan di partisipashon i depositá te ku 22:50, despues di esaki lo sera e tómbola pa e respektivo djasabra.  Despues di kada djasabra e ‘ticket’ lo bai na sero bèk. Si niun hende ‘kibra’ e kaha fuerte, e montante di plaka kèsh lo keda oumentá!

Pa partisipá na e kampaña ‘Spin & Break the Vault’ tur partisipante mester tin 18 aña òf mas. Ganadónan mester ta presente ku un ID bálido, un reibeweis òf pasport. E kampaña aki ta bálido te ku dia 21 di Aprel. E promé rifa lo ta djasabra dia 2 di febrüari. Únikamente miembronan di Carnaval Casino por partisipá na ‘Spin & Break the Vault’ . E kampaña aki ta bálido pa miembronan hungando na slòtmashin i na mesa. Pa mas informashon tokante reglanan por pasa na e “Players Center” den Carnaval Casino òf yama 435-5089. Carnaval Casino ta habrí tur dia for di 10’or di mainta te 4’or di mardugá ku posibilidat pa parker bo outo grátis. Kòrda tene e página di Facebook di Carnaval Casino na bista!  Si bo ta bai purba bo suerte, hasié semper responsabel!