WILLEMSTAD- Fun Miles ta introdusí un partner nobo: MyMalls. MyMalls ta entregá pakete rápidamente for di Merka pa islanan ABC i St. Maarten i ta duna tur miembro oportunidat pa spar Fun Miles ora ku nan shòp online na Merka. Klientenan ta risibí 1 Fun Mile pa kada dòler ku nan paga na transporte. Komo oferta di introdukshon, miembronan di Fun Miles lo risibí dòbel Fun Miles den luna di yüni!

Tokante MyMalls

MyMalls ta un servisio di entrega rápido i di primera klase pa tur kompra online. Klientenan por aktivá un profil grátis i ta risibí un adrès personal na Merka. MyMalls ta entregá e paketenan te na port’i kas den 24-48 ora. Ademas, spar sèn dor di hasi uso di e servisio grátis di MyMalls pa konsolidá bo paketenan.

Konektá bo karchi di Fun Miles na MyMalls

Pa bo spar Fun Miles, bo mester konektá e number di bo karchi di Fun Miles na bo kuenta di MyMalls. Esaki por fásil i lihé riba MyMalls.com. Ta bálapena pa hasi esaki, ya ku den luna di yüni MyMalls ta dunabo dòbel Fun Miles.

Tokante Fun Miles

E aña aki, Fun Miles ta selebrá su 20 aniversario komo e programa di spar i troka mas grandi den Karibe. Miembronan di Fun Miles ta disfrutá kontinuamente di promoshonnan atraktivo di diferente partner di Fun Miles, manera e kampaña ‘Explore the summer!’ e temporada aki (mira e ofertanan riba funmiles.net òf den e korant spesial serka tur partner).

Mas informashon tokante Fun Miles?

Tuma kontakto ku servisio na kliente na number 465 3300 òf bishitá funmiles.net òf facebook.com/funmiles.