Willemstad – Djasabra 11 di Yüli ta bai bira un anochi grandi i historiko, ora ku Claudius Philips & O.R.E.O. drenta Rust & Burgh atrobe despues di mas ku 10 aña pa e gran anochi di FIESTA NÈCHI. Riba e anochi aki DREAMS tambe lo presentá ku HNLY, huntu DJ John Anthony i DJ Morgan Isenia. Pues tin tur ingridiente pa hende nèchi, bisti nèchi pa bin baila nèchi den FIESTA NÈCHI.

Debi na petishon i danki na UNITED DISTRIBUTORS tur esnan ku ainda no a buska nan karchi, lo por probecha e fin di siman aki di e último “gimmick” pa FIESTA NÈCHI. For Djawebs te ku Djasabra awor 27 di Yüni, lo tin SOLAMENTE 100 karchi mas na e preis spesial di Fls 40,=! na MENSING CAMINADA i BEEP BEEP RIO. Esaki ta posibel danki na United Distributors ku na Johnny Walker Black Label ku tambe lo ta den FIESTA NÈCHI.
Entrante otro siman tur karchi lo ta na preis normal di Fls 50,= den pre benta. Pues probecha pa buska bo karchi e wikènt aki, na preis spesial den e último “gimmick” pa bo tambe ta den FIESTA NÈCHI. Pa VIP a sobra algun mesa i por yama 540 11 85 òf 566 37 05 pa informashon i reservashon. Pa esnan ku ta desea pa entregá na karchi te kaminda nan ta, por yama 563 34 56

Riba e anochi dushi aki, a tene kuenta ku delaster un detaye pa hasi eksperiensia inolvidabel. Lo tin amplio luga’ pa parker ku lo ta iluminá, ademas lo tin siguridat pa tur outo. Mientras ku fiesta ta start 9pm, Claudius Philips & O.R.E.O. lo ta e promé agrupashon musikal pa kuminsá 10pm “en punto”. Pues yega tempran pa bo no pèrdè nada nada di FIESTA NÈCHI dia 11 di Yüli den Rust & Burgh ku Claudius Philips & O.R.E.O. for di Aruba i DREAMS Ft.HNLY