WILLEMSTAD- Djasabra, 8 di aprel algun miembro di Softball Team MCB a bishitá represtantenan di Curaçaose Atletiek Bond (CAB) durante di e “kick off” di Carifta Games 2017 ku a tuma lugá na SDK.

Softball Team MCB komo un organisashon ku ta kere den deporte ta konsiente di e super bon trabou ku CAB ta hasiendo ku nos hóbennan den Atletismo. Pa e echo aki i sigur pa e kurashi ku CAB tin pa organisá Carifta Games, ku ta un evento gigantesko i super positivo pa deporte i pa Kòrsou en general, Softball Team MCB a disidí na usa un parti di loke e jump in 2017 a rekoudá pa yuda Curaçaose Atletiek Bond.  Softball Team MCB a hasi entrega di un chèk na balor di NAf. 2.500,– na Curaçaose Atletiek Bond. Softball Team MCB ta konvensí ku e kontribushon di nan granito ta yuda pa CAB sigui ku e super bon trabou ku nos atletanan lokal.