PARTI DI E GANASHI DI JUMP-IN “BO NUMBER TA BAI HUNGA”

WIILEMSTAD- Manera ya a bira un tradishon, Softball Team MCB Maskulino ta organisá tur aña nan Jump-In ku e meta pa koleganan di Maduro & Curiel’s Bank i nan famianan por selebrá karnaval huntu, pero tambe pa kontribuí na nos Karnaval. E aña aki Softball Team MCB Maskulino a organisá djabièrnè 6 di febrüari e Jump-In ku e tema “Bo number ta bai hunga” ku tabata super eksitoso i kategorisá komo e Jump-In di mas grandi i mas ambiente di 2015. Un total di 3500 persona a kumpra nan karchi, risibí nan T-shirt, baila i gosa riba ritmo di DJ Bryan Rosa, Nastyplay, Gio, ERA i Dreams na Skalo Kade . Asinaki e Jump-In a kontribuí na skolnan VSBO St. Jozef i CDC/UDC partisipá na Teener Parade 2015. Direktiva di Softball Team MCB Maskulino ta gradisí tur persona ku a bishitá e Jump-In aki, Gerensia di Maduro & Curiel’s Bank, MCB su produkto BSURE, Kuerpo Polisial, Caribbean Welding Scaffolding & Insulation Services N.V. i tur e miembronan i koleganan ku a yuda promé, durante i despues di e grandioso Jump-In aki. Tambe Direktiva di Softball Team MCB Maskulino ta deseá tur skol ku ta partisipá na Teener Parade 2015 tur klase di éksito den e marcha di Teener djabièrnè awor.