Djadumingu 20 di janüari un komishon di “Asociación de Dominicanos Unidos en Curazao ,Consulado General de la República Dominicana en Curazao, Instituto Duartiano Filial Curazao” a uni pa kambia waya di kurá di skol Juan Pablo Duarte na Buena Vista. Esaki ta un obra sosial-komunitario den kuadro di konmemorashon di i 205 aña di nasementu di Juan Pablo Duarte y Diez  libertadó di Republika Dominikana .

Ta importante pa bisa ku pa diferente aña e instansianan menshoná ta konmemorá fechanan patriotiko dilanti skol kende ta karga nòmber di Libertadó di Republika Dominika esta, Juan Pablo Duarte. E instansianan aki tin komo meta duna skol un kontribushon i demostrá un gesto di yama danki dor di remodelá henter e fachada di skol , esaki ta inkluí un busto di Juan Pablo Duarte mas grandi i bashamentu di betòn kaminda  busto di Juan Pablo Duarte ta situá. Ta yama danki na tur siudadano dominikano ku di un manera boluntario a uni pa hasi posibel e promé fase di e proyekto di remodelashon aki ku sigur lo enbeyesé fachada di skol i lo duná un ambiente mas agradabel pa alumno, maestro i tur siudadano ku di un òf otro manera  ta hasi uso di fasilidatnan di skol.