WILLEMSTAD – Na luna di yanüari 2016, representantenan di Skillz Academies lo ta na Kòrsou un biaha mas pa asina ei buska talentonan di beisbòl i sòftbòl  pa e próksimo aña eskolar. Manera ta konosí, na mei di e aña aki, representantenan di Skillz Academies tabata na Kòrsou, kaminda  no menos ku 36 hóben pelotero a partisipá na e show case di e dia aki. Di e 36 hóbennan aki, 10 a keda skohe pa bai Atlanta Georgia i partisipá na Skillz Academies. Sinembargo ta 3 pelotero so a kualifiká finansieramente pa bai den e programa.

Motibu di esaki ta ku  ta tin famianan ku no por a kumpli ku e gastunan di e estudio, pero SSC, esta Finansiamentu di Estudio na Kòrsou ta kubri e gastunan pa estudio, apesar ku e programa akadémiko  di Skillz Academies ta afiliá ku Georgia Christian University i tambe Massenger College ku ta responsabel pa e programa “ESL”, esta Ingles komo un di dos lenga.

Na e momentunan aki Skillz Academies ta preparando pa firma un akuerdo ku Georgia Piedmondt Technical College, un akreditashon di dos aña akreditá pa SAICS. Na yanüari ora ku representantenan di Skillz Academies ta na Kòrsou, ta nan intenshon di papia ku representantenan di SSC, pa asina diskutí e programa ku nos ta ofresé den e forma di Oportunidat pa studia na un College pa hungadónan di beisbòl mediante di un programa akadémiko fuerte. E tres prospektonan di e Islanan Ulandes den Karibe kua bai Skillz Academies na Atlanta su asina yama Post Graduate Programa a keda duná un oportunidat den beisbòl. Ata aki e tres hóbennan di Kòrsou ku a keda ofresé pa bai e siguiente skolnan:

Hungadónan:

1. Ayrton Gijsbertha “Catcher” – Clark Atlanta University (Georgia)
2. Joel Martis “Pitcher”- Indian Hills CC (Iowa)
3. Angel Van Wordragen “First Base” – Indian Hills CC (Iowa)

Ku e resultadonan aki Skillz Academies ta regresá Kòrsou pa na luna di yanüari 2016 hasi un otro College Tryouts tantu pa beisbòl komo sòftbòl. Pa beisbòl esaki lo ta pa hóbennan  di entre 17 pa 20 aña di edat. hóbennan di 16 aña ta bon bini i lo traha ku nan pa aña 2017. Den un próksimo komunikado nos lo duna mas detaye unda e tryout nan  aki lo bai ta i kon e proseso pa registrá lo bai ta. E biaha aki lo e ta kompletamente grátis.

Skillz Academies Atlanta

President & Founder

Reggie Plaisir