….. Lo tin coachnan di MLB na Kòrsou pa wak nos hungadonan ……

WILLEMSTAD — Dianan 30 i 31 di mei awor Skillz Academies Atlanta, un skol di preparashon pa College na Atlanta George, ta organisá un klínika pa peloteronan hóben di entre 15 pa 20 aña di edat. Skillz Academies Atlanta ta prepará studiantenan ku ta atleta durante 4 luna , esta un semèster por traha pa mira ku nan ta logra nan College Baseball Scholarship, kaminda nan por studia na nivel di College i alabes hunga beisbòl. E dos dianan di klínika aki na Kòrsou ta djasabra dia 30 di mei i djadumingu dia 31 di mei awor na Tio Daou Ballpark. Tur mucha ku registrá pa akudí na e klínika aki lo risibí un bate di palu profeshonal di Coopertowns Bat Compaqny “Pro Select Model’ , pero tambe nan lo risibí un T-shirt ku nan lo mester usa ora ku nan ta partisipá na e klínika aki. Tambe nan lo haña un pèchi di beisbòl i lo tin kuminda di mèrdia pa nan. E klínika aki ta habri pa tur hungadó di entre 15 pa 20 aña di edat. Na final lo anunsiá kua ta e hungadónan ku lo ofresé un lugá na un College na Merka. E promé dia di e klínika, esta djasabra dia 30 di mei lo tin e try out, drills i práktika di patio. E di dos dia lo hunga 12 inning di Baseball. E skoutnan di MLB i di College ku a keda invitá pa e evento aki huntu ku e coaching staff di Skillz Academies Atlanta ta: Clinic Director – Reggie Plaisir – President of Skillz Academies Atlanta Clinic Instructor- Josh Powell – former Pitching Coach Suffolk University Clinic Instructor – Cam Walker – Head Baseball Coach Indian Hills Community College. MLB Scouts Invited Mets, Tigers, Orioles, Marlins, MLB Scouting Bureau – Latin Coordinator Invited and MLB Academy Director Puerto Rico Invited. Djasabra mainta pa 8 or ta registrá i entrega e materialnan i pa 9 or di mainta eksakto, e klínikanan ta kuminsá. Pa registrá por hasi esaki dos manera. Sea ta bai on line na www.prosselect.com I ta sigui e proseso o ta yama 562-3740 i registrá. Partisipashon na e klínika aki lo kosta 125 dòler. Hasi esaki na tempu. Por yama Reggie Plaisir libremente na (508) 868-2969 pa mas informashon.