Ku e Infinity Beach Club Summer Promo!

WILLEMSTAD –   Si e aña aki no a logra bai un fakansi den eksterior, no ta problema. Na Kòrsou, por pasa mesun dushi! Renaissance Curaçao Resort ta invitabo pa disfrutá di un fakansi na  ‘kas’, hasiendo uso di e Infinity Pool di mas bunita na Kòrsou.  Pa e temporada aki ta habri portanan di Infinity Beach Club na e di dos piso di Renaissance Resort  pa bishitantenan lokal – sin ku ta nesesario un reservashon den hotèl. Probechá pa un tempu limitá di un tarifa super atraktivo, inkluyendo konsumo.

Disfrutá ku e muchanan di Renaissance su Infinity Beach pagando únikamente $30 pa adulto, inkluyendo un krédito di $30 pa konsumo na Infinity Beach Bar. Muchanan di 0 pa 12 aña tin akseso grátis. E pakete ta inkluí akseso na pool, beach, uso di sèrbètè, stul kant’i awa i otro fasilidatnan den e área di Infinity Beach Club. Muchanan ta rekerí pa wòrdu kompañá pa un adulto. Reservashon ta rekerí un identifikashon lokal; esaki por ta un reibeweis, pasport òf sédula bálido. Klaro, tin kondishonnan aplikabel; no por trese músika, ni konsumo propio. Tene na kuenta ku ta prohibí pa huma den área di beach òf pool. Infinity Beach Club ta ofresé un tremendo Happy Hour tur dia di 18:00 pa 19:00 i riba djasabra un sukulento barbekiú for di 12:00 pa 21:00. Tin WiFi i parkeo grátis pa tur kliente. Fakansi na kas, por ta mes dibertido ku unu den eksterior! Pa mas informashon òf reservashon por yama 435.5000. *Promoshon ta bálido te dia 31 di ougùstùs.