Dia 18 – 21 aprel awor empresarionan por bin eksperensia pa nan mes kon ta ora ta opera for di un ofisina di “co working”. Creative Lab Curaçao ta habri su portanan den e dianan ei ofresiendo algun lugá grátis , na empresarionan ku ta buskando un bon luga pa opera nan negoshi for di dje ku ta di inspirashon, pagabel i bon ekipá.

Creative Lab a lanta for di un grupo di empresario kreativo na novèmber 2013 , for di e pensamentu ku kolaborashon entre diferente empresarionan ta inspirá i tambe stimulá inovashon. Empresarionan trahando den un konsepto di “co-working” ta kompartí gastunan di ofisina, pero nan ta traha pa nan mes kuenta i negoshi.

“Creative Lab Curaçao, tin un ambiente di incubator , empresarionan por krese i desaroyo nan negoshi, danki na kolaborashon ku otro kompañero di ofisina; Nos ta siña di otro dor di e kontakto diario, asina tur hende ta krese mas lihé i tambe por tuma proyektonan mas grandi  huntu. Pensa por ehèmpel riba e proyekto “Street art “Skalo ku ta parti di e proyekto “New Breeze on Bitterstraat”,dos empresario di ku ta sinta na Creative Lab a kuminsá  ku e proyekto aki na sèptèmber 2016.

Dor di atraé artista i tambe hasi e e ambiente públiko mas atraktivo ku arte, ta hasi e barionan mas atraktivo komo lugá di biba i traha.

For di mei mei di 2016 e kolaborashon a tuma forma international komo Creative Lab Caribbean,danki na esfuersonan for di kolaborashonnan for di Creative Lab Curaçao pa konektá kreativo-nan , profeshonalnan den ICT den henter Caribe pa tin un netwerk di Creative Lab hubs na diferente isla. Ya na Grand Cayman, British Virgin Islands i tambe  Turks &Caicos e promé kontaktonan ta traha. Riba e manera aki manera di tra aki tin un impakto riba e desaroyo ekonómiko. Pa e motibo aki na novèmber 2014 Creative Lab Curacao a wòrdu otorgá ku e premio di Citi Innovation Award pa e inisiativa ku mas impakto riba ekonomia” segun Nevita Mezas, un di empresarionan na Creative Lab for di 2015. “ Dor di atraé kada bes otro empresarionan , nos ta duna nos mes kada bes di nobo inspirashonnan , for di diferente ángulo profeseshonal”

Creative Lab ta invitá empresarionan den e siman di 18 t/m 21 aprel pa bin  sinta na e  ofisina na bitterstraat 17 a  entre 8.30 i 18.00. E dianan habri lo wòrdu finalisá ku un Creative Pow! ,Un happy-hour pa asina seya e kontaktonan nobo .

Pa registrá por via e formulario riba e wèpsait www.creativelabcuracao.com/we-want-you-2/, e pagina di facebuk @creativelabcuracao Of e yamando e number di telefon  +5999 6825859. Creative Lab Curaçao Bitterstraat 17 – Scharloo www.creativelabcuracao.com