Lo rifa pasashi di COPA pa Panama entre klientenan

WILLEMSTAD – Riba su promé dia riba suela di Kòrsou San Nikolas mesora por a hasi gran parti di su kompranan na Sambil pa regalonan pa hende grandi i chikí. Pero durante su bishita djasabra dia 19 di novèmber na Sambil e obispu a ripará ku ta mas kumbiniente pa e regresá.henter e siman aki – i pues no djabièrnè 25 di novèmber so! – na e sentro komersial pa bin hasi su kompranan di kustumber. Esei ta enserá ku tur e dianan aki tur pakus den Sambil ta ofresé di todo na preis mas redusí ku normal. E djabièrnè aki e sentro ta habri 10 or di mainta te 10 or di anochi. Riba Black Friday mes den Sambil su Food Court lo anunsiá henter dia riba e pantayanan grandi preis spesial di e diferente establesimentunan kaminda por haña un variedat grandi di kos di kome i bebe. Black Friday ta e dia despues di Thanksgiving Day ku ta un dia di fiesta Merikano.

Aparte di e preisnan espektakular abou den tur pakus di Sambil, e aña aki tin komo atrakshon adishonal ku COPA Airlines lo rifa dos pasashi ida i buèlta pa Siudat Panamá entre esnan ku e djabièrnè ei djabièrnè aki dia 25 eksitosamente ta hasi nan kompranan kumbiniente na e pakusnan di Sambil. Loke e klientenan mester hasi ta skirbi nan nòmber, number di telefon i number di sédula riba e resibu i depositá esaki aden un buzon spesial den Food Court. Djaluna dia 28 di novèmber na Sambil mes lo saka nòmber di e ganador ku por bin tuma e dos pasashinan di COPA pa Panamá.