Tremendo Ripitishon  di Bonbiní! Bini bon?

Djadumingu 18 di mei,  8.00 PM Públiko a pidi i e lo haña!. Despues di e gran eksito di dia 13 mei, Fundashon Alma i Ritmo di Kurason ta presentá un biaha mas e showcase di comedy Bonbiní! Bini bon! Kon bonbiní bo ta ora bo tin binti aña bibá na Hulanda? Collin Edson a sali Kòrsou, bai studia na Hulanda i aktualmente e ta traha den besindario di Amsterdam. Den su tempu liber semper el a aktua, kanta, konta storia i hasi comedy. For di aña 2012 e ta riba esenario na un manera profeshonal. Anto awor e ke bin laga Kòrsou hari i pensa ku su comedy show!. Den e showcase aki tambe por atmirá tres talento di Kòrsou: – Benjamin Martis ta aktua i kanta. Por a atmir’é den e obra E Balada di Pluisje, despues ku e la gana e kompetensha Luna Yen di La Tentashon. Lennon Aniceta ta un artista multifasétiko. Podisé den pasado bo a mira balia breakdance òf deklamá poesia. E hóben Christopher Barrow tin e enkargo di yama tur hende ‘Bon Biní’ komo maestro di seremonia. Sitio, La Tentashon Direkshon Mattheywerf (dilanti Teatro Luna Blou) Orario: 20.00 Entrada NA Fl. 10,00 Karchi na benta únikamente na porta!! Entradanan ta pa rekoudá fondo pa Fundashon Alma i Fundashon Ritmo di Kurason.