Willemstad, Djarason 11 yüni lo tin estreno di e obra “Shon Chi, Cha ku Chu tei konta bo bieu”. Komedia presentá pa Edion (Loloi) Booy, Percey (Boskwiri) Benita i Germain (Ma Yeta) Jansen. Djarason awor ochor di anochi ta bai tin e estreno di “Shon Chi, Cha ku Chu tei konta bo bieu” den La Tentashon. Un komedia skibi i dirigi pa Edion Booy, Germain Jansen i Percey Benita. Den e obra boso lo mira e kustumbernan di ántes i di awor, trese pa e tres komediantenan aki. Shon Chi, Cha ku Chu tei konta kon e entiero di ántes i awor ta, kon e fiesta di risibimentu tabata. Kon bo tabata saka un hende muhe baila. Aparte di esei shon Chi, Cha ku Chu tin e famoso trio “Mata Todos” ku lo deleitabu ku nan repertorio. Teatro Luna Blou & La Tentashon ta invitá un i tur pa bin disfrutá di e tremendo komedia aki. Bin hari bo barika yen, miéntras Shon Chi, Cha ku Chu ta hibabo bek den tempu. No pèrdè e oportunidat aki. Kumpra bo karchi awe mes pa bo no keda afó! Karchi ta optenibel na takia di Teatro Luna Blou i na Time to Time (Saliña). NOTA: Orario di takia lo ta djaluna pa djabièrnè di 4or di atardi pa 8or di anochi. Djasabra i djadumingu di 1or di atardi pa 8or di anochi. Pa mas informashon por yama 462-2209 òf bishita nos páginanan di facebook: Teatro Luna Blou òf La Tentashon.