Mainta ku Sherry tey bèk atrobe ku otro tremendo show di Mama. Despues ku aña pasa tur hende a keda komenta di e tremendo show di mama di Sherry’s Mother’s day brunch Show, e aña aki e lo ta diferente nan lo bai presentá Sherry’s Mother’s day Indian Show. Loke bo por bai ferwagt ta un lugá dekora a la estilo di India i ku artistanan lokal ku ta bai duna un bunita show pa nos mamanan. Lo tin varios artista riba e dia aki manera; Dennis Cicilia, Melania van der Veen, Michael Boncoeur, Liesje Lispier, Tito Doran, Giltaly Doran, Remy Joss, Hunneley Felicia, Julius Andrew, Aemy Felicia, Reinier Lijfrock, Dibo Doran i tambe lo tey Mariachi Dulce Despertar pa tur esnan ku gusta un bon Mariachi. E banda ku lo bai akompaña e artistanan ta Relax entertainment band. Show lo tuma lugá na Sentro pa desaroyo Integral “Israël Leito” na barbados weg 11. E orario ta di 17.00 pa 21.00. E prome 200 karchinan lo ta  na balor di Nafl 45,00 i despues karchi lo ta Nafl 55,00. Tambe tin un sekshon spesial di VIP ku ta kosta Nafl 125,00 ku ta inkluí pasapalos i drinks (no alkoholiko). E parti no alkoholiko ta debí ku e luga no ta pèrmiti esaki. Pero esaki no ta stroba ku kushina i bar lo ta bon surti. Karchinan ta optenibel na Mensing Caminada i tur e filialnan di Caribbean Cash na brievengat, schottegatweg i sta maria. Hasi lihe buska bo karchi pa no keda afo. Kòrda aña pasa tabata SOLD OUT!!