Comparti un Coca-Cola y momentonan special Specialmente pa carnaval ta regala “selfie stick”
ORANJESTAD, Aruba – 15 di januari 2016: “Share a Coke” ta tema di un iniciativa di Coca-Cola pa trece amigonan mas cerca di otro. Como representante y productor oficial di Coca-Cola na Aruba, Tropical Bottling Company a uni na e iniciativa aki y a cuminsa ofrece e labelnan pa e boternan di Coca-Cola di 20oz cu e nomber di un ser keri of un palabra di cariño riba dje pa uza como regalo of pa comparti entre amigonan.
E acogida, segun Willeke Kok ta splica, tabata abrumador y “Share a Coke” a bira un campaña sumamente exitoso den temporada di Fin di Aña. E intencion ta pa encurasha amigonan y famia pa laga traha un label di Coca-Cola pa un persona keri como regalo y asina motiva nan pa topa of bishita otro y tin combersacionnan real cu otro, cu ta pues mas cu un Whatsapp of un yamada.
E idea tras di e iniciativa aki ta pa personanan “Share a Coke”, combersa y crea momentonan cu nan lo corda riba dje cu un sonrisa riba nan cara.
Coca-Cola ta hibando e idea aki “on the road” na Aruba awo. Despues cu nan a crea entusiasmo den comunidad pa e boternan personalisa, e truck di Share a Coke ta “go on tour” rond Aruba. Willeke Kok, encarga cu mercadeo di Coca-Cola, a agrega cu actualmente den supermercadonan tin boternan cu e 200 nombernan mas comun na Aruba, segun Censo.
Tin hopi nomber cu no tin ainda riba e labelnan y Coca-Cola ta bay bishita supermercadonan rond Aruba, unda cu nan lo traha e labelnan cu nomber y palabranan di cariño gratis. E cliente mester simplemente cumpra un boter di Coca-Cola di 20oz trece na e truck, type e nomber desea y e ta haya su boter cu su label unico y special. Esaki ta un servicio gratis, Willeke Kok ta subraya.
E otro special cu Coca-Cola tin pa comunidad di Aruba ta e printing di T-shirt cu bo nomber personalisa riba dje. Pa 25 florin e cliente ta ricibi un T-shirt cu e nomber desea riba dje.
Pa cada compra di 20 paki di producto di Coca-Cola – esta bleki y/of boter di 20oz e cliente ta ricibi 10 T-shirt cu e nombernan individual cu e ta desea riba nan. Pa compra di 40 paki di productonan di Coca-Cola a cliente ta ricibi 20 T-shirt, ora cumpra 60 paki lo regala 30 T-shirt. Tene cuenta cu cada T-shirt extra ta costa 25 florin pa un.
Esaki ta e regalo ideal pa temporada di Carnaval, unda cu gruponan di famia, amigo y coleganan ta comparti un kavel of trailer cu otro. Asina nan ta “Share a Coke” y tin nan T-shirt cu nan nomber individual of e nomber di nan grupo pa bisti durante di parada of actividadnan di Carnaval. E ta tuma solamente dos pa tres dia pa e T-shirtnan keda cla.
Ademas di e labelnan y T-shirtnan cu nomber, Coca-Cola ta regala den temporada di Carnaval un otro forma mas pa crea recuerdo entre amigonan y famia. Pa cada compra di dos paki di bleki y/of boter di 20 ons di Coca-Cola, e cliente ta ricibi un “selfie stick” por nada.
E cliente mester bishita un di e luganan unda e “Share a Coke Tour” lo bishita, mustra bo recibo di compra y ricibi un “selfie stick” regalo. Asina ora di saca “selfie”, hasta esun cu ta sacando e potret ta riba dje y tur hende por disfruta pa semper di e momentonan special cu nan a biba hunto.
Coca-Cola Aruba ta desea comunidad di Aruba un dushi temporada di Carnaval y ta orguyoso pa introduci e dos gruponan di Carnaval 62 cu nan ta sponsor, esta Empire cu e banda Buleria y North Fantasy cu e banda Delicious.
“Follow the Share a Coke truck. Join the tour!” Prepara cu bo grupo pa Carnaval 62 cu bo T-shirt di Coca-Cola. Tur informacion encuanto di e tour di Share a Coke truck ta disponibel riba e pagina di Facebook, www.facebook.com/CocaColaAruba.