ORANJESTAD –MRT– E fin di siman aki Renaissance Aruba Resort & Casino ta celebra St. Patricks Day. Tur aña di nobo riba 17 di maart Irlandesnan rond mundo ta celebra St. Patricks Day.  Loke a cuminsa como un fiesta religioso na Irla nda, a bira un celebracion internacional cu ta bay acompaña cu parada, baile y cuminda. Hasta esunnan cu no ta Irlandes ta celebra e dia aki debi na e dinamica y espirito festivo masha contagioso. E color oficial di St. Patricks Day ta berde, ta nifica cu henter e celebracion ta keda accentua cu e color aki.

E aña aki lo presenta ‘Shamrock Luck’ ‘Pop-up Restaurant’ na unda antes tabata Side Bar na Renaissance Marketplace.  Por spera ‘cerbes berde’, Irish Cocktails y musica ‘live’ pa acompaña e celebracion. Chef Eric Mah, lo ta na Aruba directamente for di Canada pa host ‘Shamrock Luck’. Su experencia di mas cu 15 aña como Chef Ehecutivo y Chef De Cuisine na hotelnan 5 strea y restaurantnan di renombre ta haci e ‘Pop-up Restaurant’ di e weekend aki special. ‘Shamrock Luck’  lo tuma lugar dianan 15, 16 y 17 di Maart;  lo ofrece lunch y  dinner. Tuma nota cu riba diadomingo 17 di Maart lo ofrece unicamente dinner, cuminsando for di 4’or di atardi. Sintibo den un Irish-Pub autentico y disfruta di e.o Drunken Mussels, Lamb Meatball, Irish Colcannon Mac & Cheese of un Irish Pub Salad como aperitif.  Como plato principal por spera un Braised Brisket, Cottage Pie, Bangers and Mash, Lamb Stew of un Tayto Sandwich. Finalmente un dessert; Gur Cake, Guinness Chocolate Cake of un dushi Warm Irish Apple Pie!  

Renaissance Aruba Resort & Casino ta invitabo pa amplia bo horizontenan culinario experenciando algo diferente. E ‘Shamrock Luck’ ‘Pop-up Restaurant’  na honor di St. Patricks Day ta ideal pa esaki. Pa mas informacion of reservacion por tuma contacto cu e Renaissance Navigator na 523.6115.