E hóben kantante Shamiro Anita aktualmente ta hasiendo un Tour bishitando diferente Iglesia/Misa, kantando tur djadumingu su hit nobo titula “Hala Un Rosea”. Dios ta esun ku Shamiro ta gradisi na prome luga pa tur e bendishon ku e la haña.

Pa gradisi nos pueblo Shamiro ke bishita mas tantu Iglesia/Misa posibel pa kanta i invita tur hende pa bin selebra, gradisi, “Hala Un Rosea”  I alaba Dios huntu kune den e Konsierto. Hopi ta e personanan ku lo haña un sorpresa sumamente positivo i agradabel na momentu ku Shamiro anusia ku lo tin un preis super speshal dje Konsierto pa tur hende ku kumpra of bestel karchi na e Iglesia kaminda e lo ta kantando.

E fecha 13 ougustus a ser skohe pa duna henter pueblo di Korsòu un bunita evenementu ku lo duna motivashon, animo, Pas i bendishon na komienso di e aña nobo di skol. Den e Gran Konsierto lo tin kombinashon kanto ku shownan espektakular pa henter famia disfrutá di dj’e. Lo bai tin Shamiro ku su Live Band, Mega Choir, Aerial Dance, Drama,  Light & Fire & Laser Show, Spoken Word, Akrobasia i hopi sorpresa mas.

Karchinan ya ta obtenibel na Mensing, Tik Tak, Beep Beep, Kas di Beibel i 24 Uur uit de Muur. Preis di karchi ta solamente fl.35,– adelanta. Si sobra lo ta fl.40,– na porta di WTC. Kumprando karchi bo ta kopera pa Shamiro por sigui krea kantikanan positivo ku mensahenan di Dios. Pa bestel karchi i pa petishon pa Shamiro bishita bo Iglesia/Misa por yama tel: 5622233 of anita_miro@hotmail.com.

Shamiro ta invita henter pueblo pa ban kanta “Hala Un Rosea” tur ku tin huntu den Exhibition Hall di WTC dia 13 di augustus 2016. Korda ku por skucha i kuminsa trein e kantika nobo aki riba soundcloud https://soundcloud.com/shamiro-anita/hala-un-rosea of bishita shamiro su página ofisial, www.shamiromusic.com