Willemstad – “Guiame” ta titulo di e tremendo kantika internashonal nobo ku Shamiro Anita a lansa kombina ku su videoclip nobo. Den bida tin biaha nos ta perde e kaminda ora tempu duru ku problema, desesperashon i desafio sakudi nos. E kantika i videoclip nobo aki ta rekorda nos ku hasta ora tur lus paga, Dios tei pa guía nos dor di tur kos.

Ta trata aki di un kantika ku videoclip di kalidat haltu ku a ser filma na Merka ku koperashon di Iglesia Vida Nueva na Miami. E kantika “Guiame” ta un kantika inspirativo original di alabansa pa Dios na Spaño. Ku e kantika i videoclip nobo aki e yu di Korsou Shamiro ta sigui ekspande su musika riba merkado Spaño internashonal. Produkshon di tantu i e kantika komo e videoclip tabata un “challange” grandi pa Shamiro. Pero manera e mes a bisa:  “Dios a Guia mi tur momentu”.

Letranan di e kantika “Guiame” ta bisa “Y cuando todas las luces del mundo ya pierdan su brillo, No perderé mi fé. Guíame, muéstrame el camino. Mi vida es tuya Señor, Te daré mi corazón, Guíame”. E mensahe positivo, prinsipalmente ku e palabra di Dios, di e kantika aki ya ta hasiendo un impakto riba tur ku skuch’e, tantu lokal komo internashonal.

E videoclip “Guiame” a hanja mas ku 24 mil views riba Youtube riba e prome dia di lansamentu i a yega mas ku 50,000 streams kaba riba Spotify. Por wak e tremendo videoclip aki riba youtube link:  https://youtu.be/rpNXCZ528pU  buskando Shamiro i Guiame. Por solisitá e kantika aki na bo radio emisora preferi na Korsòu, Aruba, Bonaire i Hulanda. Online por Skucha “Guiame” riba spotify na :  https://open.spotify.com/track/7tPeWUjGhOGm92KcsEIy2A?si=1e11e9c75a0f40c9

Shamiro su orashon ta pa Dios guia nos den tur situashon i sirkunstansia. Deposita bo fe den señor i e lo guia bo den tur kos. Di kurason, Shamiro ta spera ku mas i mas hende lo keda toka, animá i bendishona ku e kantika nobo aki.  Shamiro ta gradisi Dios na prome luga pa logra su meta kual ta impakta tur hende ku skucha su musika ku mensahenan positivo foral ku e palabra di Dios. Shamiro ta sumamente agradesi na tur hende ku a yud’e i ta pidi tur hende pa sigui yud’e koparti e kantika i videoclip nobo “Guiame” aki ku tur famia i amigunan.