WILLEMSTAD-  Komishon Festival Kantadó Mayó ku ta resortá bou di Fundashon Kultural Seú Kòrsou ayera organisá inskripshon pa FESTIVAL KANTADO MAYO 2014. Durante di un atardi bastante ameno un kantidat di 71 partisipante a inskribí pa partisipá na e festival menshoná. E Komishon hasiendo un inventarisashon di e totalidat a tuma nota ku sigur hóbennan ta dominá pa loke ta e partisipashon den kontienda aki. Mas o ménos un tersera parti ta nos damanan ku tambe ta bai partisipá. Virgill Wijngaarde pa dos aña konsekutivo ku e titulo kantadó mayó di aña 2012 i 2013 lo bai defendé su korona.

Charla Obligatorio

Dia 12 i 13  di mart Komishon Kantadó Mayó ta organisá dos siklo di charla ku ta tuma lugá na Klup di Shell ta och’or di anochi. E charla ta obligatorio kaminda lo trata komo tema : Historia, letra i melodia, kantante, kompositor.  E charlanan ta na enkargo di Sra. Elia Isenia i su Tim.

Entrega di letra

Dia 14 di mart 2014, Komishon Kantadó Mayó ta pidi tur partisipante ku a inskribí pa hasi entrega di letra. Ora : 18:00 -20:00

Letra : di un forma Digital

Sea riba Stick òf CD

         Tipo di lèter : Arial 12

Si tin mas ku un página. Numerá kada un.

Agrupashonnan ku ta partisipá

Kada agrupashon ku ta partisipá ta obligá na trese un lista di e grupo pa prosesá e karnètnan. E karnèt konforme regla ta pa prueba di partisipashon. ( regla).