WILLEMSTAD – Na e momentu inesperá aki henter mundu, meskos ku Santa Barbara Beach & Golf Resort, ta wordu konfrontá ku retonan ekstraordinario.

“Ademas di e retonan finansiero ku e hotel a bin ta konfrontá for di su apertura 10 aña pasá, e impakto finansiero di COVID-19 riba e propiedat tabata i lo kontinuá ta enorme i no tin un bista bon kla ki dia komersio lo por rekuperá na nivelnan akseptabel.

Pa e motibu akí, despues di deliberashon kouteloso, i konforme tur sirkunstansianan koriente, nos ta profundamente tristu pa anunsiá ku Santa Barbara Beach & Golf Resort tabata fòrsá pa apelá pa retiro masal serka Ministerio di Labor.

E hotel ta antisipá di lo mester keda será pa 12-18 luna. Ta duel nos realmente profundamente, na promé lugá pa nos personal fantástiko, meskos ku pa nos klientenan fiel, nos partnernan i nos komunidat.

E Old Quarry Golf Course, Boca 19 i Barbara Beach lo keda habrí pa públiko.