…Dia 9 di novèmber próksimo:…

WILLEMSTAD- Novèmber 2013; Banco di Caribe ta ofresébo un bes mas un otro tremendo outoshow, e biaha aki huntu ku Crown Automotives. Diasabra 9 di Novèmber próksimo tur esnan ku ta deseá di sera aña 2013 den un outo nobis nobis, ta keda kordialmente invitá pa bishitá Crown Automotives na Ser’i Dòmi (Kaya Tula 44) pa asina probechá e okashon i risibí ofertanan atraktivo ku lo ta vigente solamente riba dia di e outoshow. Manera semper Banco di Caribe lo ofresé un interes abou kombiná ku un pakete di finansiamentu kompetitivo inkluso seguro ku un tarifa spesial i na midí. Únikamente riba 9 di Novèmber, Banco di Caribe lo ofresé un interes di solamente 3.3% (5.91% APR). Ta bon pa menshoná ku 100% finansiamentu ta posibel i ademas di esaki Crown Automotives lo tin deskuentonan atraktivo riba diferente outo. Bo tambe ta sinti e deseo di sera aña den un outo nobo? Fásil! Djis trese e último 2 slepnan di salario, identifikashon bálido, deklarashon di doño di trabou i e último 2 estadonan di kuenta (si bo no ta kliente di Banco di Caribe). Pa duna e outoshow un toke spesial Banco di Caribe lo ofresé un tèrmino di pago di 5 aña i posibilidat pa risibí kontesta rápido serka e pre- approval team  ku tambe lo tei presente. Un invitashon ta bai na pueblo di Kòrsou pa pasa, tira un bista i alabes disfrutá di muzik, kos di pasaboka i algu di bebe dia 9 di Novèmber próksimo entre 9’or di mainta i 3’or di atardi na e showroom di Crown Automotives na Ser’i Dòmi. Ata bo chèns; ‘Sera bo aña ku un outo nobis nobis’  i na un interes super abou!