WILLEMSTAD — Djamars awor dia 14 di òktober, tin un seminario pa kantantenan lokal ku ke siña mas di vokalisashon i tambe presentashon riba stage. Esaki lo tuma lugá di 7:30 pm pa 9:00 pm riba e Barku Freewinds. Esnan ku lo duna e seminario aki lo ta e konosido kantante Toni Worrel i tambe Patrick Zagury, kende ta e direktor musikal di Freewinds Band ku hopi hende konosé. Esnan ku ta interesá na partisipá na e seminario aki mester registrá yamando na 677-6497 o na 528-2404. Último dia pa registrá ta djasabra awor dia 11 di òktober 2014. Lo pidi un kontribushon chikitu pa algu kome i bebe. Pues ningun kantante hóben i tambe grandi ku ke siña mas di e mundu fasinante di kantamentu no por pèrdè e seminario aki. Registrá na tempu pa asina ei bo sigurá bo kupo, pasombra lugánan ta limitá.