Willemstad-  E públiko, despues di tende oradornan i interkambiá idea a koinsidí ku Minister Earl Balborda su sugerensha na inisio di e seminario “Improve your business with the latest in logistics and supply chain management” organisá pa Nieuwe Post,  ku Kòrsou por bolbe okupá un posishon lider fungiendo komo un hub pa no únikamente region pero mundu si gobièrnu i empresarionan uni i hasi bon uso di desaroyonan den mundu i nos konosementu i bon sentido pa inovashon.  Nieuwe Post resientemente a tene un seminario kaminda ekspertonan internashonal a duna presentashonnan interesante tokante trènt i desaroyonan interesante riba tereno di transporte marítimo i ku avion i kon komplementá e kadena di produkshon, almasenahe i transporte di produkto te na e kliente. Sr. Antonio Barberena, kende ta doño i Presidente di ABForwarding, un kompania lider riba tereno transporte di karga den mundu i Sr. Glenn Tjon, kende ta partner regional den pa KPMG Sentro Amérika i Repúblika Dominikana a duna un eksposishon ku a duna un bon bista riba e diferente desaroyonan tantu den mundu komo den nos region.  Sr. Franklin Sluis, Managing Director di Nieuwe Post a kompletá e grupo di presentadó i panelistanan dunando un splikashon kon Nieuwe Post ta inová pa por sostené desaroyo. Interesante tabata presentashon di Sr. Barberena kon ABForwarding ta sostené komersio i transporte rònt mundu.  Glenn Tjon di su banda a duna un impakto di Panama i su desaroyo riba region.  Sr. Tjon a konkluí ku rekomendashonnan balioso.  Franklin Sluis a konkluí ilustrando kon Nieuwe Post na su turno a kua potensial peligernan kombertí esakinan den oportunidat i servisionan nobo ku ta duna sosten na empresarionan lokal ku ta interesá den kombertí region i mundu komo nan merkado. E seminario aki a proba ku Kòrsou tin tur ingrediente pa por desaroyá un posishon lider den komersio, kombèrtiendo nos isla den un hub.  Nieuwe Post di su parti lo sigui inová i introdusí servisio i produktonan ku netamente ta dirigí riba inovashonnan ku ta konsolidá e empresa i por yuda nos kolektividat progresá den mundu.