Kantante/ bailarina di 22 Anja nase na Korsou, Lanta i biba na Boneiru. Semper mi Tabata gusta skibi mi mes piesa nan i semper tabata tin e sonjo di bira un kantante/ performer.

Na 2016 mi a saka mi prome piesa i videoclip kual ta Lalala Love 4 You. Direct despues mi a saka un reggae kompletamente na ingles kual ta Up 2 You.

Na 2017 mi a saka e piesa Kla Kune Huntu ku Jaido I dentro di dos Anja mino a saka nada. mi tafatta trahando duru si pa graba i skibi diferente piesa nan kual Pida Ko’i Bon ta un di nan.

Pida Koi Bon

Eta un piesa ku mi a skibi i graba for di Anja pasa na 2018. mi a gusta e proseso pa a skibie paso for di ora mi a kuminsa ku un pida di dje (kual ta e refrein) mi a sinti ku e piesa aki ta bai bira algu hopi great. E anja aki mi a kuminsa ku proseso di videoclip i mi tabatin hopi idea pa ku ne. 

Mi ke a saka un videoclip ku ta diferente, Kolorido un poko humorístiko i Vibrante.

E videoclip aki, bopor mire komo un manera di mustra e parti atraktivo fisiko di un persona pero den e videoclip nos ta mustra i highlight ku e kabayero nan no solamente ta un Pida Koi Bon pa bista pero loke ta hasi nan aun mas “BON” ta nan talento: 

Taty Frans ku ta windsurfer professional Mundial, Davidlee Winkleer ku ta un professional Boxer I kampion den Esaki, Giovanny Janga ku ta un hoben futbolista ku passion pe deporte, Gelly “dreamchaser” kual ta un Business man i tambe Fitness man i Ramsley Krisp kual ta un lokutor i DJ konosi.

pues no ta solamente e aparensia pero nan talento/ hobby tambe.

E piesa I produkshon aki a bai dedika na Oz anders kual e ta esun ku semper a regla Studio i tur kos pa mi por a graba mi piesanan i tambe a regla persona nan prinsipal ku ta sali den e clip. E semper a kere den mi produkshon i esun aki ta un piesa ku e Tabata gusta Masha hopi mes ora mi a grabe i a bisami ku e piesa aki lo bira algu grandi Sigur.