Ta un hecho ku pa algun siman kaba e servisio di Selikor pa loke ta trata rekohementu shushi di kas a konfrontá retraso. E motibu prinsipal ta ménos kapasidat di trùk pa duna e servisio konserní i tambe yobida.

Pa loke ta trata e siman akí, Selikor lo kuminsá ku un siman nobo i lo trata pa eliminá e retraso mas tantu posibel. E rutanan ku a keda atras lo ta riba skema di nan dia normal inkluso e ruta di djabièrnè den su totalidat. Pa e fin di siman akí tambe Selikor lo traha riba djasabra i djadumingu.

Nos ta konsiente ku e situashon aktual ta inkómodo pa kada habitante ku sigur ta eksperensiá ekseso di shushi dilanti di nan kas. Selikor un biaha mas ta pidi diskulpa pa kualke inkonbeniensia ku e retraso akí por a trese kuné. Gerensia di Selikor ta duna un garantia ku nos personal ta trahando duru hasiendo lo máksimo pa yuda normalisá e situashon.