Djarason,14 di novèmber último, a selekshoná banda pa e klasifikadónan pa Festival Tumba Hubenil 2019.

E 15 hóbennan den kontienda pa e korona di Tumba Hubenil, pa medio di lòt a skohe e banda ku lo representá nan komposishon durante e festival dia 19 di yanüari próksimo. E bandanan ku lo kompañá e hóbennan ta Dolce, YMG i HYPE, 3 banda di hóben kla pa mustra nan kapasidat i nivel di interpretá nos tumba.

Despues e hóbennan lo skohe sekuensia di aparishon den kada banda. Awor preparashonnan ta tumando lugá pa den desèmber e hóbennan por ensayá nan tumba. Fundashon J.A.G. i Fundashon Alélimo ta deseá tur partisipante éksito ku nan preparashon. Nos ta sigui duna e guia nesesario pa un presentashon na nivel i un eksperensia agradabel pa kada un partisipante.