Willemstad, Mal Moda Mal Manera tei bek pa selebrá Pachi Damon su aña i 20 aña di eksistensha di e grupo di komedia PRO ARTE. Mal Moda Mal Manera lo presentá djasabra 17 mei 9or di anochi i djadumingu 18 mei 7or di anochi na Teatro Luna Blou pa solamente Nafl 25,-. Na komienso di mei Pachi Damon, huntu ku su grupo a biaha pa Aruba pa asina presentá tres funshon na Cas di Cultura, kaminda tabatin tres sala yen ku por a disfrutá di e tremendo komedia aki. Despues di nan presentashon nan a biaha mes ora pa Hulanda pa asina presentá dos funshon di Dia di Mama na Theater Zuidplein Rotterdam. E reakshon di e públiko tabata tremendo i nan a gosa un bòl di e komedia i e mensahe ku tin tras di dje. Nan ta bek na Kòrsou pa asina kulminá nan gira di presentashon. E wikènt aki nan lo selebrá e éksito ku nan tabatin den eksterior, Pachi su hasimentu di aña i alabes e 20 aña ku e grupo PRO ARTE ta trese Pachi su komedianan dilanti. Djasabra 17 mei 9or di anochi i djadumingu 18 mei 7or di anochi na Teatro Luna Blou. Karchi ta na balor di Naf 25 i e ta optenibel na Takia di Teatro Luna Blou òf na Time to Time (Saliña) Pa mas informashon por yama 4622209. Por Bishita nos facebook: Teatro Luna Blou òf La Tentashon.