WILLEMSTAD – WESU enkabesá I dirigi pa e konosido trombonista, aregista Hector Sampson ta den kaya i mihó ku nunka.  Dia 26 di oktober awor, un divishon di projekto musikal aki di puro trombon, esta WESU salsadura lo ta den Daiquri piano bar den Holiday beach hotel pega ku Veneto casino den un presentashon tur afó. WESU salsadura ku ta bai selebra e di 2 aña di eksistensia dje projekto WESU djasabra awo den gran forma, a bin ta dominá merkadonan latino ku su músika brabu, na estilo di Dimension Latina, pero tambe tokando piesanan klásiko di Ruben Blades, Hector Lavoe i tambe propio komposishon nan, pero no ta baha kabes pa kansionnan Cubano di entre otro los Van Van ku a marka fama internashonal. For di e komienso WESU a hasi diferente presentashon den diferente forma manera un kuarteto di trombone o seksteto konsisti di kuater trombone un bajo akustiko I kajón tokando den museo o privá o orkesta salsadura ku a kuminsá ku presentashon nan na Pirate bay sigi pa diferente presentashon riba Freewinds I den teater Luna blou den e formashon jazz krioijo. WESU salsadura a presenta tambe na St. Maarten kompañando e kantante Cubano, Marlon Fernandez. Tambe parti di e sekshon  di trombon kombiná ku trompet ta presenta regular na diferente aktividat na Boneiru komo refuerso.  E musiko nan ku ta bai presenta djasabra awo ta riba trombone; Cedric Sillé, Ron van Twuiver, Frensel Bernadina, Giovanni Atalita i Hector Sampson. Riba bas: Ernesto Paz, piano: Christoffer Wallé, perkushon: Raynold NG, Otmar Josefina I Shariton Thode. E kantante nan lo ta Amanda Pang I Junior Alves I un sorpresa. Un gradisimentu alavez ta bai di parti di e director musikal pa tur musiko ku a I ta partisipa di un of otro manera durante e dos aña di WESU. Pa loke ta trata e evento na Venetto dia 26 di oktober awor, preis pa entrada ta apénas 10 florin hinter anochi. Bin pasa bon, veila hilchi di bo sapatu, bailando salsa, son montuno, merengue i mas hinter anochi. E ta kuminsá 9 or I Dj Wendell Martis tambe lo tei pa kompleta e anochi. Bo por haña karchi serka e musiko nan o jama 6985597. Potret: agrupashon WESU salsadura den e presentashon ku tabata un eksito den oktober ultimo