estrikto i den fase.

WILLEMSTAD – Durante último dianan, e komishon , “na Interes di farándula di Kòrsou  ( KIF) di AMAK, ta reuniendo ku funkshonarionan di gobièrnu , dunando asina ei oido na e petishon di AMAK, pa ban sinta na mesa, pa huntu deliberá, kon por yega na alternativanan, pa gradualmente e sektor farandulero, por kuminsá funshoná.

Durante e deliberashonnan a bin bon kla dilanti, kon amplio e sektor den farándula aki na Kòrsou ta  manera, dj-nan, trahadónan den restorant , kafé, hotèl, promotornan doñonan di empresanan di horeca, i músikonan di tur  género i estilo.

E puntonan di atenshon ta pues, kon  i bou di kua kondishonnan por hasi e sektor farandulero por kuminsá move gradualmente. Naturalmente tur esnan ku ta aktivo den e sektor aki, mester asumí responsabilidat pa yuda na konsientisashon  pa krea  un komportashon ehemplar dirante e periodo di Covid-19.;

Aparte di e puntonan pa reaktivá e sektor, e komishon a trata tambe, pa e kompensashon finansiero ku e aktornan farandulero aktualmente ta 5risibí por keda garantisá. Direktiva di AMAK ta sumamente agradisido, na Minister dr. Steven Martina, i funkshonarionan di Polis i GMN, pa nan  disponibilidat pa huntu ku e komishon KIF, yega na palabrashonnan, pa huntu habri e sektor farandulero den fase konforme kondishonnan responsabel..

Tin puntonan di higiena i e formashon musikal, ku ya kaba a yega na sierto akuèrdo i ta di spera ku den e reunion di djaluna  12  di òktober por yega na e draft final. Ban spera ku e vírus di Covid-19 aki pronto lo disparsé for di mapa mundial, pa e pas i trankilidat por reina atrobe den kada kas di famia.

Finalmente, AMAK ta masha agradesido na tur esnan ku di un o otro forma kier o ta dunando un kontribushon,  pa mundu artístiko kuminsá por funshoná den un forma responsabel mas pronto posibel i di e forma ei tambe duna un kontribushon tambe na nos ekonomia.

Na nòmber di direktiva di AMAK

Manfred Feko Gomes                                                Giovanni Atalita