Sintibu sigur ku ENNIA!:

Willemstad –Yüli:  E selebrashon di 65 aniversario di ENNIA ta kontinuá huntu ku tur kliente, personal, broker i pueblo di Kòrsou. Pa selebrá manera mester, ENNIA a organisá diferente evento i kampaña pa gradisí tur instansia òf gruponan ku a kontribuí na kresementu di ENNIA hasiendo e kompania lider den merkado. Komo partner den e programa di televishon na nos planta nashonal kanal 8 Bai’é, ENNIA ta ofresé tur ganador di un outo, 1 aña di seguro kompletamente grátis. Resientemente Sra. Manuela a resultá felis ganador di un outo nobis nobis durante di su partisipashon den e programa Bai’e na TeleCuraçao. Sra. Manuela, kual ta kliente di Inter Alfa a keda masha kontentu ku su premio i pa koroná e selebrashon ENNIA a regalá Sra. Manuela un aña di seguro di outo kompletamente grátis. Durante entrega di premio Sra. Manuela a ekspresá su mes bisando, “Awor mi por kore dushi ku mi outo riba kareteranan di Kòrsou pasobra mi ta bon sigurá”. “ENNIA ta masha orguyoso di por ta partner den e programa di televishon Bai’é. E programa aki ta brinda su partisipantenan oportunidat di gana tremendo premio i pa ENNIA ta un plaser di por duna bèk na nos komunidat di e forma aki tambe. Nos ta kompletamente den un esfera di fiesta i lo kontinuá brindando pueblo di Kòrsou oportunidat di selebrá huntu ku nos via di diferente kampaña, evento i hopi mas. Pabien na Sra. Manuela un otro kliente felis di ENNIA.

Potrèt: Momento ku Sr. Junny Duggins di Broker Support ta entrega e chèk simbóliko na Sr. George Lew Jen Tai, direktor di Inter Alfa.