Willemstad – 6 di yüli 2015 – Djadumingu 29 novèmber 2015 lo tuma lugá na Kòrsou e di segudo edishon di KLM Curaçao Marathon. E evento lo keda organisá pa fundashon Run in the Sun. Partisipantenan por skohe pa partisipá den diferente distansia:  5 km kana òf kore, 10 km kana òf kore, mitar òf máratòn kompletu i un trail di 10,5 òf 16,65 km. E organisashon tin komo meta pa dòbel e kantidat di partisipante en komparashon ku e promé edishon. Tur kos ta indiká ku esaki lo ser alkansá mirando ku na e momentu aki kaba tin partisipante di mas ku 16 diferente pais inskribí.

Komo primisia: grátis un KLM Curaçao Marathon-app

E KLM Curaçao Marathon-app aki ta kontené tur informashon relevante relashoná ku e evento. Úniko lo ta e hecho ku famia, amigu, konosí i fanátiko di e partisipantenan lo por sigui nan partisipante faborito via di e asina yama “GPS-Track & Trace”. E partisipantenan sin smarthphone tambe por ser sigui hasiendo uso di e bib-tag den kual lo tin un chip personalisá. Ku esaki por sigui kada partisipante stap pa stap riba e diferente rutanan. E chip a keda desaroyá ku kolaborashon di  Mylapsi por ser bahá (download) kompletamente grátis.

Ruta

E ruta ta konta ku sertifikashon AIMS. Salida lo ta na Lions Dive Hotel & Beach Resort. E mitar i máratòn kompletu lo dirigí e partisipante nan a lo largu di e kosta sùit di Kòrsou; den Punda i Otrobanda, pasa riba e famoso brùg di ponton i tambe brùg reina Juliana ku un altura di 56,4 meter riba superfisio di laman – un brùg ku normalmente bo no por pasa ariba na pia. E konosido Handelskade tambe lo forma parti di e ruta di ámbos distansia.

Partnernan ofishal

Diferente hotèl kantu di e ruta i otronan manera; Bon Bini Seaside Resort, Dolphin Suites, Kontiki, Sunscape Resorts, Avila Hotel, Renaissance Resort, Sonesta Kura Hulanda, Holiday Beach, Hilton, Floris Suite, Acoya, Santa Barbara Beach, Papagayo, Blue Bay, Jan Thiel Livingstone, Sunscapei Dolphins Suite lo sostené evento poniendo pòstnan di awa i músika lokal. Tambe esakinan lo sòru pa transporte di e partisipantenan pa e punto di salida di e máratòn.

Radio Dolfijn i Curom Broadcasting lo sòru pa kobertura bibu di e evento pa esnan ku e mainta aki ta preferá pa sigui e evento for di kas. Riba henter e ruta lo tin pèrmit pa pone músika.

Salidai Final (Start i Finish)

Riba e anochi promé ku e máratòn lo tin e tradishonal “Pasta Party”; prepará pa un ekselente kòki i tambe marathonista, Pascal Jalhay. Na final di e marathon lo tin un “After Party”riba un di e playanan di mas famoso aki na Kòrsou. Esaki lo mester bira un fiesta ku ambiente lokal i karibense ku partisipashon di bandanan i artistanan lokal.

Inskripshon

Por inskribí “online” riba  www.klmcuracaomarathon.com òf via di agensianan di biahe ku ta partner ofishal di e evento manera na Hulanda serka Holland Runner, Marathons International, ABC Travel, Corendon i Does &Cadushi. Pa e partisipantenan ku ta biaha ku  Flying Blue por hasi esaki pa medio di www.flyingbluerunning.com/travel/run-and-miles. Tur partisipante lo risibí nan number pa start, registrashon di tempu, un  t-shirt, medaya i e app. E resultado lo ta optenibel “online” via di e wèpsait i e app asina ku e partisipante krusa e meta final.

Inskripshon na Kòrsou ta posibel “online” via www.klmcuracaomarathon.com. E pago korespondiente  por keda hasí na korant Amigoe na Skèpènè i for di djaluna 6 di yüli na Albert Heijn Zeelandia. Na korant Amigoe lo tin formulario di inskripshon.

Organisashon

E fundashon Run in the Sun tin komo meta pa promové un estilo di bida salú pa grandi i chikí aki na Kòrsou. E standard di kalidat di e evento ta un atrakshon grandi pa nos partisipantenan internashonal ku lo ta forma pa atraé turismo pa Kòrsou. Direktiva di e fundashon ta konsistí di e inisiadónan Kees van Muiswinkel i Martin Does. KLM Curaçao Marathon ta keda organisá ku koperashon di e.o. Curaçao Tourist Board (CTB),Curaçaose Atletiekbond (CAB) i Curaçao Hospitality & Tourism Association (CHATA). Huntu ku esakinan tambe lo tin kolaborashon di Marina Hulandes ku lo sòru pa un formidabel “trail”. Pa 2015 lo tin un distansia nobo di 16,65 km, ku referensia na 1665, aña kual Michiel de Ruyter a funda e kuerpo militar.

Bon gesto

Ligá ku e KLM Curaçao Marathon 2015, e fundashon Run in the Sun kier hasi un bon gesto pa Kòrsou; ‘Run 4 Books!’. Run 4 Books! kier stimulá lesamentu bou di nos muchanan di skol di fundeshi. Partisipantenan por agregá un donashon na momentu di inskripshon òf entregá un buki nobo òf usa na resepshon di e hotèlnan partisipante.

Titel sponsor KLM

KLM Hulanda lo ta e patrosinado prinsipal di e evento aki. Korementu ta e deporte faborito di e klientenan fiel di KLM. E deporte di korementu ta birando mas popular i e ta praktikabel tur parti di mundu. KLM ta duna hopi balor pa na un evento ku ta kontribuí na desaroyo sosial di nos pueblo i un estímulo pa un forma di biba mas salú pa grandi i chikí. Otro partnernan ta: Intertrust, Janssen de Jong Groep, AH/ Van den Tweel, Cavalier, Guardian Group, Maduro and Curiel’s Bank, InselAir, Budget Rent A Car en Mylaps 

Preis

 

5 KM	30 ANG tot 11 sep, v.a.12 sep35 ANG
10 KM	30 ANG tot 11 sep, v.a.12 sep 35 ANG
Halve Marathon	40 ANG tot 11 sep, v.a.12 sep 45 ANG
Hele Marathon	50 ANG tot 11 sep, v.a.12 sep 55 ANG
10,5 km Trail	40 ANG tot 11 sep, v.a.12 sep 45 ANG
16,65 km Trail	50 ANG tot 11 sep, v.a.12 sep 55 ANG
Pasta Party	35 ANG
Dry Fit shirt	45 ANG

Wèpsait                        : klmcuracaomarathon.com

Facebook                      : facebook.com/klmcuracaomarathon

Contact:

Stichting Run in the Sun: Martin Does – 521-8045 / info@curacaomarathon.com Curaçao Atletiekbond: Willem Cordilia – 523-2332