Selebrando “Dia di Famia” ku serie di aktividat di 14 Mei…en koperashon ku famia i amigunan

Na aña 1973 Fridi” tabata aktua kaba na” Fundashon Kibra Hacha na Utrecht.” Kibra Hacha tabata tin un grupo di teater polítiko pa bringa derechonan di trahadó. Einan ya” Fridi” tabata destaká komo artista, i na aña 1974 e a disidí pa bai teater skol na Amsterdam. Su promé obra teatral, profeshonal tabata “Siegu pa Kolo’, kual e la realisá komo su produkto final di skol na aña 1978. E la bini kuné na Kòrsou, i na St.Maarten , kier men e obra ta na tres idioma. Un obra ku aktualmente ta optenibel solamente na hardcopie , no digital. Den kurso di tempu e la aktua komo artista den diferente produkshon , por ehèmpel ”Vrouwenvleugel” na Ulanda i De Erfenis” kua gran parti di e obra aki a keda realisá na Kòrsou, esaki na 2004. Despues di esaki e la dediká su mes mas tantu na skirbi, i a produsí tres script, di kua e delaster “Orange Will Do Too”. Su anhelo ku e la tene te ku 10 dia promé ku e la muri, i e la bisa ku e kier pa sigui produsí e obranan. Banda di esaki na 2012 e la saka un publikashon ku yama” Ont(k)leding des vermogens” ku ta nifiká kita tur e kapanan, los e pañanan pa e kapasidat nan di e ser humano por keda analisá den su totalidat. E kolekshon aki ta konsistí di tres parti, i na aña 2012 e la publiká e promé parti. Na 2013 e la bira malu, ku e no a haña oportunidat pa bende e buki nan, i a keda dos parti ku mester keda publiká ainda. Dia 11 di Mei, ta konmemorá su promé aña di fayesimentu ku un servisio di Misa na Iglesia Katóliko di Coromoto ku ta kuminsá 7’or di anochi . Anto dia 14 den kuadro di e Siman di Famia na SEDA, lo brinda un homenahe spesial na “Fridi”. Den e kuadro aki lo tin un programa for di mainta 10:30, ku presentashon di Dennis Aalse , Vali Leonora ku lo presentá un baile artístiko,lo tin un pelíkula kòrtiku, titulá “St.Elisabeth” ku ta un produkshon di “Anja Steffens” kaminda ku Fridi” lo tin su delaster aktuashon. E pelíkula aki a sali na di tres lugá den e “Curaçao International Film Festival Rotterdam” ku a tuma lugá na aña 2014 aki na Kòrsou. Tres persona , ku ta” Laura Quast”,” Greta Trappenberg”, ku “Norma Cova”, ku semper tambe a hasi teater, a skohe diferente teksto di “Fridi” anto nan lo presentá ku un deklamashon na e públiko. Sra. Philomena, van Veen, lo presentá un charla riba Bida profeshonal di “Fridi” . Despues di e programa presentenan por apresiá un eksposishon di e liña grandi di “Fridi su trabou”, for di kuminsamentu di su trabou, te na esnan ku mester kaba di produsí ainda. Presentenan ta haña oportunidat pa wak e materialnan, i un video kompila for di bida di “Fridi”. Banda di esaki tin e buki pa bende i asesorionan ku e tabata usa ku tambe ta disponibel pa kompra. SEDA ta invitá tur famianan na Kòrsou pa bishita e dia aki i kontribuí tambe. Na promé lugá ta buskando fondo pa por kumpli ku e deseo profundo di” Fridi”, pero alabes kontribuyendo ku nos kultura, i parti edukashon i formashon di nos hendenan. “Fridi” mes tabata kier pa a tradusí e buki nan tambe na Papiamentu, ya ku e obranan original ta na Ulandes. Djasabra dia 16 atardi na Landhuis Bloemhof, lo kulminá ku un atardi pa kontribuí na e Kousa di “Fridi”, dor di kumpra karchi pa mira e eksposishon di “Fridi” su trabou, kumpra e obra “Ont(k)leding des Vermogens” i otro produkto pa asina krea fondo pa produsí e dos otro obra nan di “Fridi”. Tur amante di arte i kultura ta keda kordialmente invitá, pero tambe tur persona òf instansia ku kier duna nan koperashon pa realisá e dos buki nan ta mas ku bon bini.