Willemstad – Dia 24 di yanüari 2014, e revelashon di tur tempu di músika dancehall i reggea moderno, ta na kaminda pa Kòrsou. Ta trata aki nan di Sean Paul, ku su hitnan manera entre otro “Just Gimme the light, Temperature, Got to Love you” i hopi otro hit mas. Tur kos ta indiká ku e konsierto aki lo bai ta riba plenchi di Kleine Werf, Skarlo Punda, lo bai bira un dia grandi aki na Kòrsou ora ku “Sean Paul” presentá su hit nan di reggea dancehall nobo nan aki na Kòrsou. Manera nos tur sa ku tin hopi evenementu tumando lugá aki na Kòrsou y hopi ta esunnan ku ta reklamá ku ta kada bes ta e mes un kosnan ta keda bin bek. Ta p’esei e organisashon tei trese un kambio den esaki. Riba e anochi aki en kuestion lo bai tin presentashon di diferente di nos talento nan lokal tambe riba tarima entre otro Basic One, nos prome Female Dj on tha Beatz nada mas y nada menos ku Dj Lu-C, MC Criss Strick y hopi mas. Ta bai tin un kantidat hopi limitá di karchi pa e sekshon general pa solamente 50 florin pa persona na kompra adelantá y despues e preis ta bira 75 florin pa persona. Tambe ta bai tin un kantidat hopi limitá pa lokual ta trata di e sekshon preferensia, esta VIP. Algu ku sigur a hala nos atenshon ta e VIP Platinum Launch ku ya kaba no a keda masha mesa. Keda pendiente pa mas informashon i detaye di esaki. Pa mas informashon por yama nan na e siguiente numbernan di telefon ku ta: 519-1666  òf 5108776. Wak pa no pèrd’é oportunidat di presensia e tremendo konsierto di Sean Paul aki na Korsou.