Dia 12 di yüli 2014 último, e kontingente di Scouting Antiano ku ta preparando pa e magno evento Caribbean Jamboree 2014 a keda instalá pa asina risibí nan dashi ku nan lo bai e evento aki ku ne. Esaki tur a tuma luga na plasa Wilhelmina den Sentro di Siudat. Minister Dick a hiba palabra i a mustra kon importante Scouting en general ta. Kaminda hobennan ta wòrdu prepará riba karakter sosial i diferente otro area, i ya asina bo no por haña bo ku un di e hobennan aki ta drente e direkshon robes. Minister Dick a sigui bisa ku e hobennan aki ta kontribui na kosnan positivo i ta yuda pa baha tambe e ola negativo bou di hóbennan den nos komunidat. Unabes e hoben ta bezig ku algu, ta difisil ku e ta atende ku kosnan robes. Nos di e tim di Kontingente Scouting Antiano, a sa di prepará e hóbennan aki den diferente area pa awe nan ta kla prepará pa e siguiente logro kual ta asistí na e Caribbean Jamboree 2014 kual lo kuminsa dia 20 yüli próksimo. Riba e foto por mira momento ku e delegashon a kaba di instalá.