Download bo Stampwallet!

WILLEMSTAD – Djasabra dia 17 di yüni próksimo, Renaissance Mall & Rif Fort ta invitá Tatanan  i henter famia pa partisipá na un ‘Scavenger Hunt’ ku sigur lo resultá unu masha dibertido i ku chèns di gana premionan fantástiko! Awendia, tur hende ta familiar ku e aplikashon di Stampwallet. E aplikashon ta fásil aksesibel riba telefon i ta duna oportunidat pa spar e stampianan (puntonan) digital ku despues lo resultá den deskuento. Pa djasabra awor, tur ku akumulá 15 punto òf mas lo partisipá na un rifa spesial pa Dia di Tata na unda ku lo tin chèns di gana desayuno, brùnch, dinner òf weekend stay na Renaissance Curaçao Resort.

Partisipá!  Download e Stampwallet App, i buska ‘Scavenger Hunt’ i agreg’é na bo wallet. Buska 30 kódigo QR skondí i kolektá mas tantu punto posibel. Ora ku bo akumulá 15 punto òf mas bo ta partisipando pa e premionan ariba menshoná. Komo opsekio tin un QR code riba e promoshon di Renaissance ku ta saliendo den media. Riba e djasabra aki, na kada kompra den un establesimentu òf na un restaurant den Renaissance Mall & Rif Fort entre 12’or di mèrdia i 5’or di atardi por saka potrèt ku Papa na e photo booth.  Ganadornan di e Scavenger Hunt lo keda anunsiá djasabra 5:30PM. Lo tuma kontakto ku e ganadornan. Kòrda ku djasabra awor tambe por parker grátis na Renaissance Curaçao Resort!