Scarlet BV a lansa na tur isla su “Refer-a –Friend Campaign”. E kampania aki ta un benefisio pa tur kliente existente ku ta referi sea un amistad, konosi of familia pa bira kliente nobo na Scarlet. E kliente nobo referi pa esun eksistente por ta un kliente Residential of un Empresa.

Kon e ta traha?

Kliente eksistente ta pasa buska su karchie na ofisina di Scarlet of ta korta esun ku a sali den korant y ta jena su customer ID of account number mas su datos nan riba e karchie pa e kliente nobo. E kliente nobo ta trese e karchie pa Scarlet ku datos di e kliente eksistente pa asina Scarlet por mira kual di su kliente eksistente a referi e kliente nobo. Una vez e kliente nobo risibi su instalashon na su kas of empresa, e kliente eksistente lo risibi su 10% di deskuento ariba su proximo faktura. Kliente eksistente por referi 2 kliente pa luna, kual por akumula na 20% pa luna na discount riba su invoice di e luna siguente. Scarlet e kompañia hoben y innovativo den telecomunikashon ta keda marka pauta den servisio pa ku su klientenan, judando nan di e forma simpel aki, referiendo un amistad, konosir of familia nobo na Scarlet, pa baha gasto di tur luna. Pa mas informashon tokante e “Refer-a-Friend card”, pasa libramente na ofisina di Scarlet of jama nos na number di telefon 766.0000