Cada luna 300 studiante ta haci uzo di e dos aulanan na Bonbini y Emmaschool

ORANJESTAD, December 2015 – Aruba: Samsung ta anuncia cu actualmente ta trahando pa atrae boluntario pa medio di Smart School, un programa cu recientemente a wordo scogi pa Ministerio di Enseñansa como un di e cinco miho proyectonan den su categoria. E seleccion aki tabata parti di e proyecto “Appel di Oro”, cu ta diseña pa pone enfasis riba excelencia den e area di enseñansa. Cu e premio Appel di Oro a amplia e base di “Teacher of the Year”, un reconocimento pa educadornan cu durante di 2015 a haci aportenan importante na enseñansa. Ademas, a honra directornan, proyectonan di inovacion, como tambe personanan cu tabatin un trayectoria cu merece reconocimento.

Smart School tin dos klas na Aruba, ubica na Bonbini College y Emmaschool y ta ofrece un cantidad di aplicacionnan y instrumentonan relaciona na siñamento pa e studiantenan por tin acceso na materialnan, informacion di lesnan y, ademas, por participa na forumnan escolar pa medio di aparatonan tecnologico. Durante di e ultimo lunanan, e dos klasnan Samsung Smart School a wordo uza pa mas di 78% di e tempo di les regular, y pa mas di 300 studiante pa luna. Di e 39 docentenan di e dos scolnan cu un klas Smart School, 23 ta duna les den e aulanan Samsung Smart School. Como parti di e plataforma, Samsung a desaroya na tur dos centro un programa pa atrae boluntario, compaña cu e realisacion di actividadnan p’afo di e curiculo regular di scol, manera e creacion di clubnan, actividadnan manera teatro, musica y otro actividadnan cu ta desaroya diferente habilidad.

Smart School ta un plataforma inovativo, cu solucionnan educativo cu ta integra aplicacionnan tecnologico y sistemanan di siguridad exclusivo di Samsung. E ta permiti pa e alumnonan ta conecta cu nan docentenan pa medio di un sistema wireless, cu ta mehora e proceso di siñamento y nan interaccion. Cu implementacion di e programa, Samsung ta busca pa contribui cu tur proceso educativo na Aruba, acelerando e introduccion di instrumentonan tecnologico den klas y involucrando e comunidad pa medio di e programa di boluntario den e klasnan.

Samsung Electronics Co., Ltd., ta inspira mundo y ta diseña futuro cu ideanan y tecnologianan inovativo, redefiniendo e mundo di television, smartphone, aparatonan electrico portabel, camara, aparatonan electrico pa cas, printer, ekiponan medico, sistemanan di conexion, “semiconductornan” y solucionnan LED. Ademas, Samsung ta pionera riba tereno di “Internet den Cosnan”, pa medio di iniciativanan di Salud Digital y Hogar Inteligente, entre otro. Samsung ta emplea 319 mil persona na 84 pais, cu bentanan anual di 196 miyon dollar Mericano. Pa descubri mas, porfabor bishita e website oficial www.samsung.com y e blog oficial global.samsungtomorrow.com.