“Sendementu di lusnan di pasku tabata un éksito”

Riba djabièrnè 22 di Novèmber Sambil a inaugurá ofisialmemte e temporada di fin di aña ku un bunita show di lus. E aña aki e tema di e dekorashon tabata: “It’s time to celebrate!”, un bunita dekorashon ku a keda realisá pa Holiday Occasion ku awor tambe tin un filial na Sambil.

Tur ku tabata presente por a atmirá e bunita adorno nan di pasku i e sendementu di e palu di pasku gigante yen di lus. E team di Sambil huntu ku Papa Pasku, su duende nan i tambe tur ku tabata presente a hasi e konteo regresivo pa sende e lusnan i desea un i tur un Felis temporada di Fin di aña.

E anochi tabata unu mágiko y yen di goso i alegría, ku show di baile, akrobasia i tambe nos kerido Jil Frans ku a klausura e anochi ku un medly di kantikanan di Pasku inolvidabel!   

Despues ku a kaba di sende e lusnan, ambiente a kontinuá ku animashon musikal di Cliantha Klooster Entertainment Band i DJ Leannon.

Sambil ta yama e pueblo di Kòrsou danki i alabes kier desea un i tur un Felis Temporada di Fin di Aña.

Nos ta invitá kada un di boso pa sigui bishita Sambil, hasi bo kompras nan i sigui disfrutá di loke nos tin di ofresé pa henter famia na Sambil Shopping Mall.