“Mas ku 200 mucha a disfrutá i kopera ku un bon kausa”

Djasabra 30 di Novèmber Sambil huntu ku Cinemark a organisá un tremendo fiesta kaminda mas ku 200 mucha por a disfrutá di un tremendo show di Sanikolas i su pietnan kompaña hopi músika i alegría.  

E evento a tuma lugá den e mahestuoso sala XD di Cinemark kaminda mas ku 200 mucha a gosa un bòl kompañá pa alrededor di 30 boluntario.

Promé ku a drenta sala, tur mucha a haña 1 popcorn, 2 soft drink, 1 hamburger i 1 puntzakje. Un danki di kurason na nos spònsernan ku a yuda nos hasi esaki posibel: Cinemark, Coca Cola, Mc Donalds, Sweetheart i Distribier!

E fiesta tabata SOLD OUT i ku e entrada simbóliko di Naf 5,- pa kada mucha nos a rekaudá un total di Naf. 1.100,- pa Fundashon Ronald MC Donald House of Charities! Di e manera aki nan por sigui ku e tremendo trabou i yuda e muchanan ku ta sufri kebrante di salud na hòspital.

Sambil ta yama e pueblo di Kòrsou danki pa boso kontribushon. Si boso a perde e evento aki boso por jòin nos djaweps awor 5 di desèmber kaminda lo bai tin “Pakjes Avond” ku Sanikolas i su pietnan 6:00pm na e Chill out area dilanti Carrefour na Sambil. Pa mas informashon kontaktá nos via di e whatsapp 6616246 of sambilcuracao riba social media.

Den e temporada di fin di aña aki tambe nos ta invitá kada un di boso pa sigui bishitá Sambil Shopping Mall, hasi bo kompras nan i sigui disfrutá di loke nos tin di ofresé pa henter famia. Keda pendiente pa e sorpresa nan ku ta na kaminda!