Mientras ta selebrá 150 aña di CIBC

Willemstad – Promoshon di un estilo di bida saludabel tabata sentral durante di e selebrashon di CIBC FirstCaribbean International Bank su selebrashon di Dia di Apresio na Kliente i Empleadonan. E banko a tuma e selebrashon di ambos resientemente pa enfatisá un estilo di bida saludabel bou di su kliente i empleadonan.

Kliente i otronan ku ta hasi negoshi atrabes di e banko a keda malkria ku dushi djus di fruta i bolo di berdura, mièntras ku empleadonan a keda dileitá ku un desayuno saludabel i por a gosa henter dia di masashi. Algun miembro di e staf a keda rekonosé pa nan kontribushon balioso na éksito di e banko.  Un total di 10 empleado individual i henter un departamentu a keda rekonosé i galardoná ku e On-the-Spot award.

Den pasado, CIBC FirstCaribbean tabata selebrá Dia dediká na Kliente i su dia dediká na Empleadonan riba fecha separá.  E aña aki tabatin un rason partikular pa selebrá esaki durante un solo dia. E dia a marka e di 150 aña di kompania madre di e banko, esta Canadian Imperial Bank of Commerce (CIBC.)  Pues e banko den henter region a selebrá e okashon speshal aki riba mesun dia, pa asina selebrá e momentu memorabel aki tantu su staf komo su klientenan.

CIBC ta den Karibe desde 1920.  E promé filial di CIBC na Islanan Ariba a keda establese na Bridgetown, Barbados i Kingston, Jamaica.  Pues e banko su istorial den e parti aki di mundu, mientras no mes largu ku na Canada, ta riku i ta kubri un gran parti di nos region.  E “rebranding” di CIBC FirstCaribbean na 2011, pa inklui CIBC den e nòmber di e banko esta CIBC FirstCaribbean, ta un prueba palpabel di e importansha ku e banko Karibeño tin pa su kompania madre.