WILLEMSTAD —  Dia 1 di yüli awor, Curaçao Airport Hotel lo ta esenario kaminda salsa I montuno lo topa otro den un Saltuno Patry ku dos tremendo agrupashon, esta WESU den e ámbito di Salsa I Karimbo di banda Bou den Montuno. E idea aki dje kombinashon aki ta unu ku pa basta tempu tabata tei i awor e a bira un realidat. Ámbos agrupashon musikal no ta deskonosí den mundu di farándula aki na Kòrsou. Karimbo ta originá for di Banda Bou i ya pa algun aña kaba bou di guia di e konosido Wini Paulo outor di e kansion “Primintími” ku  tabata un éksito den pasado. Karimbo ta un tremendo agrupashon musikal ku ta dominá e ritmo di Son Montuno i ta hopi gusta den área di Banda Bou i sigur rònt Kòrsou. WESU tampoko ta un agrupashon musikal deskonosí den farándula aki na Kòrsou. Un dje mihó agrupashonnan musikal di salsa aki na Kòrsou ku e aña aki a  hasi un tremendo presentashon den Festival di Tumba. WESU salsadura ku su 5 trombon nan toka pa: Cedric Sillé, Ron van Twuiver, Frencil Bernadina, Giovanni Atalita i Hector Sampson lo bai sòru pa un avalancha di harmonia I ritmo lo bai enfrentá KARIMBO e orguyo nan di banda bou di gia di Wini Poulo. DJ Wendell Martis tambe lo tei presente. E tremendo fiesta aki lo ta na Curaçao Airport Hotel for di 8 or pa 1 or di mardugá. Entrada lo ta 10 florin pa persona i karchi ta disponibel na Hotel Curaçao Airport i o tambe serka e músikonan di e dos agrupashon musikal ariba menshoná.

Hector Sampson