WILLEMSTAD —  Direktiva di Asosiashon di Músiko ta invitá tur miembro pa un reunion ekstra ordinario pa trata e tópiko Festival di Tumba 2014. Ta bon pa menshoná pa miembronan semper tin nan karnèt válido na momentu ku nan ta akudí na reunionnan di Asosiashon di Músiko. Festival di Tumba 2014 ta pinta di bira hopi grandi ku bon partisipashon i p’esei ta bon pa adaptá sierto partinan di organisashon. E reunion lo Tuma lugá djamars 10 di desèmber pa 6: 30 or di anochi den Sala Newburn Patricks. Si pa e ora ei no tin kuorum, e reunion ta sigui 7 or. Direktiva ta konta ku presensia di tur miembro na e reunion importante aki.