Esei ta título di e CD di tambú mas resien di Pincho i su Grupo. Ya kaba Run 4 your life a kuminsá zona na emisoranan lokal, meskos ku Shakelektra ku a haña  bon akohida. Tur número riba e cd ta trata susesonan ku a pasa e aña aki, ku ta pasando ainda òf ku ta bai pasa. Aparte di Run 4 your life i Shakelektra ta aparesé komposishon manera Eki, Aiaiai, Keda leu i Par’e Wil.

Koristanan di semper ta Raymond Allee i Micheal Sprott mientras ku Ella Bernabela i Silvienne Martie tei komo korista invitá.

Tokadónan ta Gilbert Gosepa, Edsel Fransisca, i Wladimir Strijdhaftig riba chapi. Giano Dorotea tei  komo chapista invitá i Nelson Antonia ta riba barí.

Kompositor i kantante ta Sherwin (Pincho) Anita. Pa mas informashon por lokalisá Pincho na Pinchoanita@hotmail.com, telefon 568 7737( app) òf 736-4741