Ayera 22 di
december 2019 Fundashon JAG a tene su rueda di prensa pa informá prensa tokante di e promé eventonan di karnaval 2020, e di 50
edishon.
Na promé lugá presidente di Fundashon JAG
a yama tur presente bon biní na e rueda
di prensa i tambe na e Sede nobo di Fundashon JAG ku ta situá den e unit na
Roosevelt Center na Sta. Maria.
Seguidamente a pasa pa anunsiá un partner nobo pa karnaval ku ta EWT
patronisadó di Pepsi Cola. Sra. Roxanne Toulon representante di EWT a duna di
konosé ku semper nan a partisipá na karnaval ku nan produktonan di zwan,
planters etc. Pero pa aña 2020 nan kier hasi algu mas grandi i esaki ta ku
Pepsi Cola. EWT ta hopi kontentu di por partisipá i kontribuí na Karnaval 2020.
Sra. Lucky Ezechiëls, presidente di Curacao Sail na su turno a elaborá tokante
di e istoria di e barku ‘Juan Sebastián de Elcano’. E echo ku Juan Sebastián de
Elcano a kompletá e promé buelta rònt di mundu 500 aña pasá, ta asina
importante pa nabegashon, isoria i humanidat, ku Spaña ta selebrando e echo aki
ku dos krusero: Esun XCII ku ta inkluí Kòrsou a sali 3 di November 2019 i lo
yega Kòrsou dia 22 di februari 2020. E tripulante direktamente for di Spaña lo
partisipá ku mas o menos 250 persona den protocol di marcha grandi di karnaval.
Esaki sigur ta algu istóriko pa Kòrsou.
Juni Aniceta a kontinuá i duna un
splikashon di e apertura di karnaval dia 3 di
januari 2020. Nos ta bai rebibá parti di e ruta ku tabata sali for di
Otrabanda i kaba den stadion di SUBT.
E dia aki(3 januari 2020) lo sali ku un jump up ku lo pasa e siguiente ruta: Plaza Mundu
Merced – Ambraham Mendez Chumaceiro Blv –Plaza Smeets – Kaya Wilson (Papa)
Godett- Penstraat – Martin Luther King Blv-Rotterdamweg -Vesuviusstraat i
terminá den dr. Antoin Maduro- velt di
SUBT.
Lo
ta bai tin komo animashon musikal; DJ Kleine, Steelband, Brassband i agrupashon
ERA.
Gruponan di karnaval hubenil i tinernan ku tin nan trahe ainda, por partisipá
gratis na e jump up aki i personanan adulto lo por kumpra karcha na balor di fl. 15,= pa partisipá ku e banda ERA den e
Jump Up.
E apertura ofisial ku diskursonan lo tuma lugá den stadion di SUBT. Karchinan
pa e apertura lo ta optenibel na Sede di Fundashon JAG na Rooseveltcenter na
Sta. Maria.
E siguiente tópiko ku
Juni Aniceta a elaborá ariba te e gran evento di Curacao Carnival Village, ku
na 2020 ta den Curacao Festival Center. Curacao Festival Center lo ta chikí pa
e artistanan grandi ku lo presentá riba 4 di januari 2020.
Bandanan lokal ku lo presentá ta: Gio Fuertísimo i GENTZ.
Banda
i artistanan internashonal lo ta: Kevin Lyttle direktamenete for di Miami(Turn
me on), Dòngò i Irsais direktamente for di Hulanda i e chèri riba e bolo lo ta
KROSFYAH.
Karchinan ta na benta serka gruponan di karnaval,
Mensings Caminada, 24 uur uit de Muur i na tur e Pagomátikonan di Tu i Yo, na
balor di fl. 55,=. Na momentu ku karchinan na balor di fl. 55,= kaba, por haña
karchi na fl. 65,= i dia di e evento na porta pa fl. 75,=.
Djaluna dia 23 di dec. 2019 lo tin un gimmick na Sede di Fundashon JAG, kaminda
e promé 200 personanan ku bin kumpra nan karchi ta haña esaki na balor di fl.
45,= i tambe nan ta risibi un regalo di EWT.
Op
is Op. E orario di e gimmick ta di 05.00 or pa 06.30 di atardi.
Tur miembro di prensa por pasa inskribí nan mes na Sede di Fundashon JAG pa nan
pas pa partisipá na e aktividatnan of por yama na nr. di tel. 685-0475 of por
manda un email na fundashon.jag@hotmail.com.
Tambe Juni Aniceta a anunsiá ku lo bai tint-shirt ofisial di 50 edishon ku ta
pronto na benta na Sede di Fundashon JAG.
Fundashon JAG kier kòrda tur hende pa kumpra nan karchi tempran, pa asina nan
por ta parti di e magno evento Curacao Carnival Village.