Den kuadro di selebrashon di 29 aña Arnell y su Orkesta, lo bai tin un fiesta pa yama danki na hinter pueblo di Kòrsou. E fanatikonan ku pa hopi aña a sostené e banda aki. Teniendo kuenta ku un sra. Mafalda ku tin 62 aña den farándula i Arnell ku tin 42 aña den farándula. Un orkesta di famia i amigunan ku semper por e keda konta riba otro. P’esei dia 04 sèptèmber próksimo den e hòfi di Rust & Burgh  for di 2’or di mèrdia te ku 8’or di anochi lo bai tin un fiesta grátis pa hinter pueblo di Kòrsou.

E selebrashon ta kuminsá for di 9’or di mainta ku un Santu Sakrifisio di Misa na Misa di Fatima na Suffisant, sigui ku un bishita na Santana di Roodeweg, kaminda e famia lo pone un krans na graf di sr. Shon Ma Salsbach. Pa 2’or di mèrdia e selebrashon ta kuminsá pa públiko na Rust & Burgh ta ku 8’or di anochi. Lo tin aktuashon di Arnell y su Orkesta i KARIMBO kompaña pa Dj Chio i Dj Danger. Lo bai tin hopi sorpresa pa e famia. Lo tin un bar i kushina bon surti.

Komishon Rumbo pa 30 aña ku Arnell y su Orkesta kier a yama danki na tur su miembronan i tambe na tur spònser ku ta kolaborando ta e gran evento aki. Danki na gerensia di Kandela Cigar-Lounge ku tambe ta duna su aporte.