Dia 29 di novèmber próksimo ta organisá Rotary Walking Dinner pa di 7 bia. Gosa di arte kulinario na diferente lokalidat den Pietermaai, i tur esaki pa un bon kousa.

Walking Dinner

Rotary Walking Dinner ta un eksperensia spesial. Kanando den kayanan di Pietermaai bo ta bishitá diferente restorant ku ta pone nan mesanan disponibel pa e bon kousa akí. Pa kada siguiente plato bo ta kana bai un otro restorant kaminda tin otro invitado. Ta un fiesta kulinario ku hopi enkuentro i tambe enkuentronan nobo. Ta anunsiá ruta di Rotary Walking Dinner riba e anochi di e evento, i e ruta ta varia pa kada grupo. For di 6or i mei atardi ta sirbi un aperitivo huntu ku un amuse na mr Porter den Nieuwestraat. Di einan tur grupo ta kuminsá kana bai nan promé restorant pa disfrutá di nan promé plato, e entrada.

E di dos restorant ta sirbi e plato prinsipal, i e último restorant ta sòru pa un toetje espektakular. Naturalmente ta tene kuenta ku deseonan spesial en konekshon ku dieta i òf alergia. Rònt di 10or ta sera e anochi ku hinter e grupo na un lokalidat final.

Úniko

Rotary Walking Dinner entretantu a bira un konsepto na Kòrsou. E evento ta permití e partisipantenan pa sera konosí ku restorantnan nobo, òf porfin bai kome na e restorant ku tin asina tantu tempu kaba riba bo lista. E aspekto sorprendente no ta solamente e menú, pero tambe e ambiente: ken bo ta sinta huntu kuné pa e próksimo plato. No ta importá ken ta forma e grupo, e plato ta meskos pa tur hende. Por inskribí ku grupo di te 8 persona. Pero bo por bini bo so tambe. Den e restorantnan ta pone mesanan largu, di manera ku niun hende no ta sinta nan so.

Restorantnan ku ta partisipá

Nos a haña diferente restorant dispuesto pa spònser e plato ku nan ta ofresé riba e anochi akí. Entre otro mr Porter, Bijblauw, Black Jack, Mi Familia, Ginger, Mundo Bizarro, Esty’s, Pan Asian i mas ta habri nan portanan pa e Walking Dinnner.

Yu di Kòrsou

Rotary su mishon ta pa stimulá hubentut di Kòrsou den desaroyo duradero. Un di e proyektonan ku Rotary ta sostené ta Thema Leeskist. Esaki ta pa promové i hasi lesamentu dushi pa mucha. Huntu ku Churandy Martina Foundation ta trahando tambe riba un bùs di deporte ku ta kontené atributonan di deporte.  E bùs lo bishitá skol i opvang pa formashon despues di skol. Ku guia profeshonal e muchanan lo práktika diferente deporte i wega, pa asina eksperensiá ku movementu ta dushi. E fondonan rekoudá ku Walking Dinner ta benefisiá hubentut di Kòrsou.

Karchi

Karchi pa partisipashon ta f 175 pa persona (ta inkluí areglo di bebida). Por kumpra karchi via e-mail: rotarywalkingdinner@gmail.com, www.caribbeanticketshop.com, Van den Tweel Supermarket Zeelandia, Mensing’s Caminada, Sentro di Pago Tu y Yo òf serka Rotary Club Willemstad Fellows.