Den wikènt di 6 pa 8 di yüni próksimo pa di 4 aña konsekutivo Rotary Club Willemstad (RCW) ta organisá un training di liderazgo pa hóbennan entre 14 i 18 aña, e asina yamá Rotary Youth Leadership Award (RYLA). “Bo por siña liderazgo, i mas trempan bo kuminsá ku esei, mihó” sigun Focco Lunsingh Scheurleer, presidente di Rotary Club. RYLA ta un tayer di trabou di 3 dia, kaminda alumnonan selektá entre 14 i 18 aña por desaroyá nan talento di liderazgo. Desde 2010 kada aña atrobe  a klousurá RYLA ku hopi  éksito i e partisipantenan hóben ta evaluá e evento hopi positivo. “Nos ta kere den hóbennan di Kòrsou. Anualmente nos ta ofresé un máksimo di 40 hóben entre 14 i 18 aña oportunidat pa desaroyá nan abilidatnan di liderazgo. Biniendo di diferente tipo di skol, nan skolnan ta draag nan voor a base di prestashonnan eksepshonal ku nan a mustra. Via Rotary nan ta partisipá hinter un wiként  den un Youth Leadership Program intensivo, ku anualmente Rotary ta presentá na un grupo grandi di hóben.” Ta eksistí diferente vishon i teoria tokante liderazgo. Komo serviceclub RCW mes a definí kiko nan ke men ora ta papia di liderazgo moderno. Un lider moderno tin un funshon ehemplar. E ta guia, pero tambe traha den tim; e ta un persona ku ta tribi tuma liderazgo i responsabilidat, pero ku na mes momentu ta duna otro espasio pa partisipá. Ta husga e kalidatnan di liderazgo di forma hopi serio. Durante hinter e wikènt un tim spesial ta opservá komportashon di e partisipantenan i ta husga nan a base di kriterio transparente. Banda di esaki e trainer i guiadónan ta duna input, i e hóbennan mes tambe ta indiká ken sigun nan ta e mihó lider. E elemento kompetitivo ta hasi e programa di RYLA bibu i prèt, pero bon mirá no tin pèrdèdó. Tur alumno ku ta partisipá tin kalidatnan di liderazgo, serka algun di nan esakinan ta mas tantu desaroyá. E 3 ganadónan di e último 3 añanan ta similaridatnan remarkabel. Nan tur tin bon abilidat komunikativo, ta asumí e papel di líder di mes, pero ta bon kapas tambe di envolví i aktivá e otro alumnonan den e tareanan. Rotary a drai e programa akí 3 bia kaba i tin intenshon di sigui kuné den añanan binidero. E ánimo entre e hóbennan ta grandi i nan a evaluá e programa hopi positivo. Despues di RYLA nan ta keda den kontakto ku otro i ta bishitá otro regularmente. Ku e programa di liderazgo akí nos ke sostené skolnan lokal. Hopi skol tin un kuríkulo drùk i medionan finansiero  i forsa di organisashon limitá. Esakinan ta pone ku tin tiki atenshon pa abilidatnan sosial i di liderazgo, tanten esakinan ta bira ora pa ora mas importante den  mundu di awendia. Nos ta konta ku e skolnan ta manda nan mihó alumnonan e training. E programa ta grátis i ta aksesibel pa tur hende. E ta duna muchanan motivá i ku talento nèt e èkstra push. Kalidatnan di liderazgo sigur no ta mará na sierto tipo di skol òf mucha. Tin hopi talento i diversidat. “Nos hóbennan por hopi mas ku nos ta pensa.” Durante RYLA ta remarkabel kon lihé nan ta bira un grupo sera ku otro, sin hasi distinshon a base di skol, ta mustra prestashonnan kolektivo i formulá vishon pa futuro di Kòrsou. E potensial ei bo mester kultivá. “Ku nos programa i proyektonan nos ke konstruí brùg pa yega na hóbennan rònt Kòrsou i kultivá lídernan moderno ku teamspirit i gana di kontribuí na komunidat.” sigun Lunsingh Scheurleer. Un grupo di profeshonal ta duna e trainingnan i hinter e programa tin komo spònsernan entre otro Maduro & Curiel’s Bank, ENNIA, Avila Hotel, AFAS, Burgers & Fung A Loi Notarissen, Insel Air i Ernst & Young.