WILLEMSTAD – Despues di un tremendo promé edishon di ‘Roof Top Kitchen’, Renaissance Curaçao Resort ta klá pa presentá e di dos edishon dia 2 di febrüari próksimo. Sinta i disfrutá di e panorama vibrante di nos Handelskade miéntras un brisa tropikal ta refreská e anochi. ‘Roof Top Kitchen’ ta un evento kulinario den airu liber i eksklusivo riba Rif Fort Wall. E evento ta kombiná kuminda, bebida i un estilo sofistiká. Por sea para òf sinta na diferente mesa haltu òf por tuma asiento ku un grupo grandi den un área kómodo ku ‘sofa lounge’.

Djasabra dia 2 di febrüari próksimo, Renaissance Curaçao Resort lo presentá e di dos edishon di ‘Roof Top Kitchen’ for di 7’or pa 11’or di anochi.  Lo presentá diferente Tapa’s sukulento i kòktelnan eksótiko prepará pa e mihó bartèndernan i ekspertonan den miksologia.  E anochi ta keda aksentuá pa músika ku ta pas nèt nèt ku e ambiente lounge ku ‘Roof Top Kitchen’ ta para p’e. Keda na altura di tur oferta, promoshon òf eventonan manera ‘Roof Top Kitchen’ riba e página di Facebook di Renaissance Curaçao Resort.  Lo tin WiFi i parkeo grátis pa tur kliente. Pa mas informashon of reservashon por yama 435.5034 of por email dlapas@curacaorenaissance.com