Djasabra dia 4 di Mei riba Riffort Wall

WILLEMSTAD – Dia 4 di mei próksimo lo presentá otro edishon di ‘Roof Top Kitchen’. E biaha aki lo selebrá ‘Cinco de Mayo’. E selebrashon di ‘Cinco de Mayo’ enrealidat ta pa konmemorá independensia di e pueblo Mehikano. Usualmente e fiesta ta keda selebrá ku un parada, músika, baile folklóriko i naturalmente dushi kuminda! Pero djasabra awor e lo risibí un aksento interesante den ‘Roof Top Kitchen’. Disfrutá di un anochi ku dushi kuminda mehikano, i kòktelnan eksótiko prepará pa e mihó bartèndernan i ekspertonan den miksologia. Lo ta un eksperensia úniko riba Rif Fort Wall.

Disfrutá di e panorama vibrante di nos Handelskade miéntras ta sosialisá i purba for di e menú ‘tapas style’. Renaissance Curaçao Resort lo presentá ‘Roof Top Kitchen’ for di 7’or pa 11’or di anochi i spesialmente pa selebrá ‘Cinco de Mayo’ lo tin presentashon di Mariachi Fortuna i Dj Ryan. Tambe lo aksentuá e ‘Roof Top Kitchen’ di djasabra awor ku kòktelnan elaborá ku Margarita i ‘Micheladas’.

‘Roof Top Kitchen’ ta un evento kulinario den airu liber i eksklusivo riba Rif Fort Wall- entrada ta grátis. E evento ta kombiná kuminda, bebida i un estilo sofistiká. Por sea para òf sinta na diferente mesa haltu òf por tuma asiento ku un grupo grandi den un área kómodo ku ‘sofa lounge’. Lo tin WiFi i parkeo grátis pa tur kliente. Pa mas informashon òf reservashon por yama 435.5034 of por email nautilus@curacaorenaissance.com