Biaha pa eksterior a bira muchu mas kumbiniente pa klientenan di Chippie, danki na un redukshon di tarifanan di roaming pa diferente destinashon internashonal. UTS, komo proveedor, ya tabata brinda outomátikamente konekshon konfiabel na tarifanan kompetitivo ora ku biaha pa eksterior. Pero awor, a redusí e tarifanan aun mas, p’asina hasi posibel pa nos apresiado klientenan por keda konektá ora ku bishitá mayoria di e destinashonnan di biahe popular. Awor bo por konta ku mihó tarifanan ora di usa data òf yama kas sea for di Chippie prepago of postpago. E tarifanan aki ta ser ofresé pa destinashonnan popular manera e.o. Hulanda, Merka, Colombia, Sto. Domingo òf kualke otro di bo destinashonnan faborito. Chippie ta mantenébo konektá!

E filosofia pa nos ta, ku biaha pa trabou òf plaser mester ta semper sin ningun doló di kabes, ta algu sumamente importante pa UTS. P’esei, esaki ta forma e base pa nos ofresé konekshon pagabel i ‘seamless’. P’e motibu aki nos a bai mas aleu i a introdusí nos servisio ‘Roaming Miles’ ku ta pèrmití klientenan spar punto riba nan ‘loyalty program’ preferí ora ku nan hasi uso di roaming. E puntonan aki por ser kambiá pa futuro biahenan via diferente ‘loyalty program’ manera AA Advantage, Flying Blue, Marriot rewards i hopi mas.

Mundialmente e ‘trend’ ta mustra ku tur hende ke keda konektá ora ku biaha pa eksterior i nos por proveé e instrumentonan, sistemanan i akuerdonan ku ta hasi esaki posibel. Nos klientenan por skohe kua ta nan proveedor di telekomunikashon i nos ta apresiá e konfiansa ku nan a depositá den nos pa pèrmití nos ofresé konekshon konfiabel, tantu na kas komo den eksterior. No tin mihó manera pa nos mustra nos klientenan ku nan por konta ku nos. Nos lo pèrkurá pa sigui brinda nan e mihó tarifanan, e ret di mas konfiabel i benefisionan adishonal manera nos servisio di ‘Roaming Miles’.

Bishitá www.uts.cw pa mas informashon di UTS, Chippie, tarifanan di roaming, nos servisio Roaming Miles i muchu mas.